តាកែវ ៖ ជនសង្ស័យចំនួន២នាក់ ត្រូវបានសមត្ថកិច្ចនគរបាលស្រុកត្រាំកក់ឃាត់ខ្លួនបន្ទាប់ពីធ្វើសកម្មភាពឆក់ទូរស័ព្ទស្ត្រីម្នាក់ខណៈកំពុងជិះម៉ូតូត្រឡប់មកពីធ្វើការងារ ។ ករណីនេះកើតឡើងនៅថ្ងៃទី ២៤ ខែកញ្ញា ឆ្នាំ២០២១ វេលាម៉ោង១៦និង៥០នាទី លើផ្លូវលេខ១៣២ ចំណុចភូមិត្រពាំងស្វាយ ឃុំត្រពាំងធំខាងជើង ស្រុកត្រាំកក់ ។

ជនរងគ្រោះ ឈ្មោះឈឿន សិលា ភេទស្រី អាយុ២៤ឆ្នាំ មានទីលំនៅភូមិត្រពាំងស្វាយ ឃុំត្រពាំងធំខាងជើង។ ជនសង្ស័យមានឈ្មោះ សាន្ត កុសល ភេទប្រុស អាយុ២៤ឆ្នាំ នៅភូមិសំរោង ឃុំត្រពាំងធំខាងត្បូង និងឈ្មោះ សៀង ខេ ភេទប្រុស អាយុ១៩ឆ្នាំ រស់នៅភូមិត្រពាំងថ្ម ឃុំសំរោង។
វត្ថុតាងដកហូតរួមមាន ៖ ម៉ូតូធុនសេ១២៥ស៊េរីឆ្នាំ២០១២ គ្មានស្លាកលេខ០១គ្រឿង កាំបិតប៉័ងតោ០១, ទូរស័ព្ទម៉ាកអូប៉ូ០១គ្រឿង(ជារបស់ជនរងគ្រោះប្រគល់ជូនម្ចាស់វិញ )។

បច្ចុប្បន្នកម្លាំងនគរបាលអធិការដ្ឋាននគរបាល ស្រុកត្រាំកក់បានកសាងសំណុំរឿងបញ្ជូនអនុវត្តបន្តតាមនីតិវិធី ៕