បាត់ដំបង៖ កម្លាំងផ្នែកជំនាញនៃអធិការស្រុកថ្មរគោលខេត្តបាត់ដំបង បានធ្វើការឃាត់ខ្លួនជនសង័្សយចំនួន០២នាក់ កាលពីថ្ងៃទី២៣ ខែកញ្ញា ឆ្នាំ២០២១ វេលាម៉ោង០៦និង៣០នាទី ត្រង់ចំណុចក្រុមទី០១ ភូមិក្រសាំង ឃុំតាម៉ឺន ស្រុកថ្មគោល ខេត្តបាត់ដំបង។

តាមរបាយការណ៍របស់នគរបាលស្រុកថ្មគោល បានអោយដឹងថា ការឃាត់ខ្លួនជនសង័្សយចំនួន០២នាក់ បន្ទាប់ពីពួកគាត់បានរួមគ្នាធ្វើសកម្មភាពចូលលួចយកទ្រព្យសម្បត្តិក្នុងលំនៅដ្ឋានរបស់ឈ្មោះ សឿ សឿន ភេទប្រុស អាយុ ៥៩ឆ្នាំ រស់នៅភូមិក្រសាំង ឃុំតាម៉ឺន ស្រុកថ្មគោល ខេត្តបាត់ដំបង។ ជនសង្ស័យចំនួន ០២នាក់ ១.ឈ្មោះ ផល ណាត់ ភេទប្រុស អាយុ២១ឆ្នាំ រស់នៅភូមិក្រសាំង ឃុំតាម៉ឺន ស្រុកថ្មគោល ខេត្តបាត់ដំបង និង២.ឈ្មោះ រ៉ង រក្សា ហៅ ប៉ូយ ភេទប្រុស អាយុ២៣ឆ្នាំ រស់នៅភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង។ សម្ភារៈតាងដកហូតរួមមាន៖ – ម៉ូទ័រស្វានចំនួន ០១- ម៉ូទ័របុកចំនួន ០១ ។

បច្ចុប្បន្ន សមត្ថកិច្ចនគរបាលស្រុកថ្មគោល បានរៀបចំសំណុំរឿងបញ្ជូនជនសង័្សយនិងវត្ថុតាងទៅតុលាការដើម្បីអនុវត្តច្បាប់ ។