បាងកក៖ មន្ត្រីជាន់ខ្ពស់ថៃបាននិយាយកាលពីថ្ងៃពុធទី២២ខែកញ្ញាថា ថៃបានពន្យារពេលក្នុងការបើកទីក្រុងបាងកកនិងទីក្រុងធំៗដ៏ទៃទៀត សំរាប់ការមកដល់អ្នកទេសចរបរទេសរហូតទៅដល់ខែវិច្ឆិការ ដោយសារអត្រានៃការចាក់វ៉ាក់សាំងកូវីដ១៩ នៅមានអត្រាទាបនៅឡើយ ។ នៅដើមខែនេះក្រុមមន្ត្រីដដែលបាននិយាយថាគេមានផែនការនិងស្វាគមន៍ចំពោះអ្នកទេសចរណ៍ដែលបានចាក់វ៉ាក់សាំងរួចហើយ ដោយមិនបា់ច់ចាំធ្វើចត្តាឡីស័កទៅកាន់ទីក្រុងធំៗដូចជា បាងកក ហួហ៊ិន ប៉ាថាយ៉ា និងឈៀងម៉ៃ ក្នុងខែតុលាដើម្បីធ្វើឲ្យវិស័យទេសចរណ៍ងើបឡើងវិញ។
ប្រធានអាជ្ញាធរទេសចរណ៍នៃប្រទេសថៃ (TOT) លោក Yuthasak Supasorn បាននិយាយប្រាប់កាសែត Reuters ថាទីក្រុងដែលយើងបំរុងនឹងបើកទ្វារដើម្បីនឹងទទួលភ្ញៀវទេសចរនោះអត្រានៃពលរដ្ឋមិនទាន់ទទួលនូវការចាក់វ៉ាក់សាំងបាន៧០%នៅឡើយទេនៃចំនួនប្រជាពលរដ្ឋដែលរស់នៅក្នុងទីក្រុងទាំងអស់នោះដែលជាកត្តាជំរុញឲ្យយើងត្រូវពន្យារពេលរហូតដល់ខែវិច្ឆិការ។
ដោយមានការផ្តោតអារម្មណ៍ទៅលើតែវ៉ាក់សាំង AstraZenica ការចុះបញ្ជីរចាក់វ៉ាក់សាំងនៅក្នុងប្រទេសថៃបណ្តាលឲ្យមានភាពយឺតយ៉ាវ ទោះបីជាលោកនាយករដ្ឋមន្ត្រី ប្រាយុទ្ធ ចាន់ អូចាកាលពីថ្ងៃពុធ បានជំរុញឲ្យចាក់វ៉ាក់សាំងឲ្យបានឆាប់រហ័សក៏ដោយ។ រហូតមកទល់ពេលនេះ ៤៤%នៃពលរដ្ឋនៅក្នុងទីក្រុងបាងកកបានទទួលការចាក់វ៉ាក់សាំង២ដូសដែលជាទិន្នន័យរបស់រាជរដ្ឋាភិបាលបានបង្ហាញ ។
ជាការបូកសរុប ប្រជាពលរដ្ឋថៃចំនួន២២%តែប៉ុណ្ណោះដែលបានទទួលការចាក់វ៉ាក់សាំងទូទាំងប្រទេសសំរាប់ប្រជាពលរដ្ឋទាំងអស់ប្រមាណ ៧២លាននាក់។
