ទូរទស្សន៍រដ្ឋបាននិយាយថា ការប៉ុនប៉ងដើម្បីផ្តួលរលំរដ្ឋាភិបាលមួយបានទទួលនូវការបរាជ័យ។ "មានការប៉ុនប៉ងធ្វើរដ្ឋហារផ្តួលរលំរដ្ឋាភិបាលមូយបានទទួលបរាជ័យពលរដ្ឋត្រូវតែទប់ទល់" ប្រព័ន្ធផ្សព្វផ្សាយរដ្ឋបានរាយការណ៍តែមិនបានបញ្ចេញអត្តសញ្ញាណអ្នករៀបចំនោះទេ។
សេចក្តីរាយការណ៍បានចេញមកពីទីក្រុង Khartoum និងទីក្រុងដែលនៅក្បែរនោះដោយនិយាយថាមានសកម្មភាពរិតត្បិតការធ្វើដំណើរផ្លូវនិងស្ពានដែលឆ្លងកាត់ទន្លេនិលមួយចំនួនត្រូវបានបិទ។
ក្រុមប៉ុនប៉ងធ្វើរដ្ឋប្រហារបានព្យាយាមចូលកាន់កាប់ស្ថានីយ៍និងអគារប្រព័ន្ធផ្សព្វផ្សាយ, ទីភ្នាក់ងារព័ត៌មាន AFP បានដកស្រង់ព័ត៌មានដែលមានប្រភពពីរដ្ឋាភិបាល។ ឃ្លីបវីឌីអូបានបង្ហាញពីរូបភាពនៃរថក្រោះនៅតាមដងផ្លូវ ។ រដ្ឋាភិបាលត្រូវបានរាយការណ៍មកថាបានចាត់វិធានការដើម្បីទប់ទល់នឹងស្ថានការណ៍។

អ្នកនាំពាក្យយោធា Mohamed Al Faki  Suleiman បានឲ្យដឹងថាព័ត៌មាននៃការសួរចម្លើយពីជនសង្ស័យនឹងបញ្ចេញឲ្យដឹងក្នុងពេលឆាប់ៗនេះ។ ២ឆ្នាំកន្លងទៅមេដឹកនាំប្រទេសដ៏យូរជាងគេ Omar Al-Bashir ត្រូវបានផ្តួលរលំ។
កិច្ចព្រមព្រៀងមួយដើម្បីបែងចែកអំណាចត្រូវបានធ្វើឡើងដើម្បីរៀបចំរដ្ឋាភិបាលដែលមានរួមបញ្ចូលទាំងយោធាតំណាងខាងស៊ីវិលនិងក្រុមប្រឆាំង។