ប៉ារីស-Reuters
បារាំងបានផ្អាកកិច្ចប្រជុំមួយរវាងរដ្ឋមន្ត្រីក្រសួងការពារជាតិបារាំង Florence Parly ជាមួយនឹងសមភាគីអង់គ្លេសរបស់ខ្លួនដែលបានរៀបចំគំរោងជួបគ្នាក្នុងសប្តាហ៏នេះបន្ទាប់ពីអូស្ត្រាលីបានបញ្ឍប់ការបញ្ជាទិញនាវាមុជទឹកពីទីក្រុងប៉ារីសហើយងាកទៅរកទីក្រុងវ៉ាស៊ិនតោននិងក្រុងឡុងដុងវិញ ប្រភព២ស្រដៀងគ្នាបាននិយាយអំពីរឿងនេះ។ក្រសួងការពារជាតិបារាំងមិនអាចទាក់ទងបានដើម្បីសុំការអធិប្បាយបានទេហើយក្រសួងការពារជាតិអង់គ្លេសក៏បានបដិសេធមិននិយាយអ្វីទាំងអស់តែកាសែត The Guardian ថ្មីៗនេះបានរាយការណ៍មកថា ការប្រជុំត្រូវបានផ្អាកដោយមិនបានបញ្ជាក់ពីមូលហេតុ។ការបញ្ឍប់ទំនាកទំនងរឿងនាវាមុជទឹកដែលមានទឹកប្រាក់ដល់ទៅរាប់ពាន់លានដុល្លារដែលបានធ្វើឡើងចាប់តាំងពីឆ្នាំ2016រវាងបារាំង និងអូស្រ្តាលីបានបង្ករឲ្យទៅជាវិបត្តិការទូតដ៏ធំដែលនាំឲ្យបារាំងបានកោះហៅឯកអគ្គរដ្ឋទូតរបស់ខ្លួនប្រចាំនៅទីក្រុងវ៉ាស៊ីនតោននិងកង់បេរ៉ាឲ្យត្រឡប់ទៅកាន់ប្រទេសវិញ។បារាំងបានបញ្ជាក់ថាខ្លួនមិនទទួលដំណឹងជាមុនអំពីការផ្តាច់ទំនាក់ទំនងរឿងនាវាមុជទឹកនេះទេខណៈដែលអូស្រ្តាលីបាននិយាយថាខ្លួនបានប្រាប់ទៅទីក្រុងប៉ារីសជាច្រើនខែជាមុន អំពីការព្រួយបារម្ភរបស់ទីក្រុងកង់បេរ៉ាលើបញ្ហានាវានេះ។អ្នកនាំពាក្យរដ្ឋាភិបាលបារាំងបានបញ្ជាក់ថា លោកប្រធានាធិបតីបារាំង Emanuel Macron នឹងជួបសន្ទនាគ្នាតាមទូរស័ព្ទ ជាមួយនឹងលោកប្រធានាធិបតី Joe-Biden ក្នុងពេលដ៏ខ្លីខាងមុខនេះ ដើម្បីដោះស្រាយវិបត្តិការទូតដ៏ចម្រូងចម្រាស់នេះ។

គួរបញ្ជាក់ផងដែរថា បើតាមព័ត៌មានចុងក្រោយអ្នកស្រី Parly ដែលជារដ្ឋមន្ត្រីក្រសួងការពារជាតិបារាំងបានសម្រេចដោយខ្លួនឯងក្នុងការមិនជួបជាមួយសមភាគីអង់គ្លេសលោក Ben Wallace ប្រភពមួយថ្មីបានបញ្ចេញឲ្យដឹង។