បច្ចុប្បន្ននេះ មនុស្សភាគច្រើនបានជ្រើសរើសយកកាហ្វេ ធ្វើជាភេសជ្ជៈ ដាស់អោយស្វាងក្រោយក្រោកពីគេងភ្លាមៗ។ ពួកគេយល់ថា ការទទួលទានកាហ្វេភ្លាមៗនៅពេលព្រឹកនឹងធ្វើអោយរាងកាយស្វាង បាត់ងងុយ និងមានភាពស្វាហាប់ ដើម្បីប្រកបអាជីពការងារផ្សេងៗ។

ទោះយ៉ាងណា នេះជាការយល់ខុស ហើយការទទួលទានកាហ្វេនៅពេលព្រឹកឡើងភ្ញាក់ពីគេងភ្លាម ប្រហែលជាមិនមែនជាវិធីល្អបំផុត ដើម្បីចាប់ផ្តើមថ្ងៃរបស់អ្នកទេ។ មានការសិក្សាស្រាវជ្រាវជាច្រើន នឹងបានបង្ហាញថា ពេលវេលាដ៏ល្អបំផុតដើម្បីទទួលទានកាហ្វេ គឺនៅចន្លោះម៉ោង ៩កន្លះព្រឹក ដល់ ម៉ោង ១១កន្លះព្រឹក។
ចុះប្រសិនបើទទួលទានកាហ្វេពេលព្រឹកក្រោកពីគេងភ្លាមៗ តើនឹងមានអ្វីកើតឡើង?

កាន់តែមិនស្វាង៖ កាហ្វេជាភេសជ្ជៈដាស់អារម្មណ៍របស់យើងទាំងអស់គ្នា ប៉ុន្តែការផឹកវាភ្លាមៗនៅពេលដែលយើងទើបងើបចេញពីគ្រែ វាអាចមានឥទ្ធិពលផ្ទុយទៅវិញ។ ជាតិកាហ្វេអ៊ីនបង្កើនកម្រិតអ័រម៉ូនស្ត្រេសទ្វេដង ហើយអាចនាំឱ្យមានបញ្ហាជាមួយនឹងការគេង ដែលបណ្តាលឱ្យអស់កម្លាំង។ ប្រសិនបើអ្នកចាប់ផ្តើមថ្ងៃរបស់អ្នកជាមួយកាហ្វេមួយពែងលាយនិងស្ករ អ្នកនឹងមានអារម្មណ៍ងងុយគេងម្តងទៀត បន្ទាប់ពីរយៈពេលខ្លី។ រឿងនេះកើតឡើងដោយសារតែរាងកាយរបស់យើងផលិតអាំងស៊ុយលីន ដើម្បីទូទាត់នឹងជាតិស្ករ ដែលជាហេតុធ្វើអោយកង្វះថាមពល និងការស្រ្តេសទ្វេដង។

បញ្ហារំលាយអាហារ៖ ខណៈភេសជ្ជៈកាហ្វេ នឹងជួយអ្នកឱ្យស្វាងនៅពេលព្រឹក វាក៏អាចជម្រុញឱ្យប្រើបន្ទប់ទឹកឱ្យបានញឹកញាប់ជាងមុន។ តាមពិតអ្នកជំនាញផ្នែកវេជ្ជសាស្រ្តមួយចំនួន បានផ្តល់អនុសាសន៍ឱ្យផឹកកាហ្វេជាមធ្យោបាយមួយ ដើម្បីត្រៀមការទន្ទេញមេរៀនសម្រាប់ការប្រលងមួយចំនួន។ កាហ្វេធ្វើឱ្យប្រព័ន្ធសរសៃប្រសាទរបស់យើងសកម្ម ដែលជាលទ្ធផលប៉ះពាល់ដល់ពោះវៀនធំ ហើយអាចបណ្តាលឱ្យរាគ។ មនុស្សជាច្រើនក៏ចូលចិត្តបន្ថែមទឹកដោះគោ ឬក្រែមទៅពែងកាហ្វេពេលព្រឹករបស់ពួកគេដែរ ហើយដោយសារតែយើងភាគច្រើនមានការលំបាកក្នុងការរំលាយជាតិ Lactose ក្នុងទឹកដោះគោ វាអាចបណ្តាលឱ្យមិនស្រួលក្នុងក្រពះផងដែរ។

បាត់បង់សារជាតិរ៉ែ៖ ការទទួលទានកាហ្វេជាប្រចាំនៅពេលព្រឹក អាចបណ្តាលឱ្យអ្នកបាត់បង់វីតាមីន និងសារធាតុរ៉ែសំខាន់ៗជាច្រើន។ វាអាចបំផ្លាញការស្រូបយកជាតិដែក ម៉ាញ៉េស្យូម និងវីតាមីន B  ដែលមានសារៈសំខាន់ចំពោះប្រព័ន្ធសរសៃប្រសាទរបស់យើង។ ជាតិកាហ្វេអ៊ីនច្រើនពេក ក៏អាចធ្វើឱ្យជាតិកាល់ស្យូមចេញពីឆ្អឹងរបស់អ្នក ដែលធ្វើឱ្យវាពុកផុយ និងងាយបាក់៕

អត្ថបទ និងរូបភាពដោយ កណ្ដាប់ដៃដែក