ពួកតាលីបង់និយាយភូតកុហកបារាំងនឹងមិនមានទំនាក់ទំនងជាមួយរដ្ឋាភិបាលដែលទើបនឹងបង្កើតថ្មីនេះទេរដ្ឋមន្រ្តីក្រសួងការបរទេសJeans-Yves Le Drian បាននិយាយកាលពីល្ងាចថ្ងៃសៅរ៍មុនពេលលោកចាកចេញទៅកាតាដើម្បីពិភាក្សារគ្នាពីអនាគតនៃការជំលៀសជនភៀសខ្លួនចេញពីអាហ្វហ្គានីស្ថាន។
“ ពួកគេបាននិយាយថានឹងអនុញ្ញាត្តឲ្យជនបរទេសនិងអាហ្វហ្គានីស្ថានខ្លះចាកចេញដោយសេរីហើយអ្នកនិយាយនោះសុទ្ធសឹងតែជាតំណាងរដ្ឋាភិបាលទៀតផងពួកគេភូតភរ” លោកបាននិយាយដូច្នេះទៅកាន់ ទូរទស្សន៍បារាំងប៉ុស្តិ៍លេខ៥។
“បារាំងបដិសេធនឹងមិនទទួលស្គាល់ឬក៏មានទំនាក់ទំនងបែបណាមួយជាមួយរដ្ឋាភិបាលនេះយើងចង់បានសកម្មភាពពីពួកតាលីបង់ពីព្រោះពួកគេត្រូវការលំហរសេដ្ឋកិច្ចដើម្បីដកដង្ហើមព្រមទាំងជំនួយអន្តរជាតិ ដូច្នេះស្រេចនៅលើពួកគេ" ។
ក្រុងប៉ារីស បានជំលៀសប្រជាពលរដ្ឋចំនួន៣,000នាក់ហើយបានជជែកបញ្ហាបច្ចេកទេសជាមួយពួកតាលីបង់ដើម្បីជំរុញការចេញដំណើរ។ Le Drian មុនពេលចេញដំណើរទៅទីក្រុងដូហានៃប្រទេសកាតា បាននិយាយទៀតថានៅមានពលរដ្ឋបារាំងមួយចំនួននិងជនជាតិអាហ្វហ្គានីស្ថានជាច្រើនរយនាក់ដែលមានការពាក់ព័ន្ធនឹងបារាំងនៅសេសសល់។