រដ្ឋមន្ត្រីក្រសួងការបរទេសចិនវ៉ាង យី ប្រាប់មន្រ្តីជាន់ខ្ពស់វៀតណាមថា ប្រទេសយើងទាំង២គួរតែអត់ធ្មត់នៅក្នុងសកម្មភាពជាឯកតោភាគីលើរឿងសមុទ្ទចិនខាងត្បូងដែលអាចនឹងធ្វើឲ្យស្ថានការណ៍កាន់តែស្មុគ្រស្មាញនិងពង្រីកនូវជម្លោះសមុទ្ទ។
លោក វ៉ាង យី បានជជែកជាមួយលោកឧបនាយករដ្ឋមន្រ្តី ផាម់ ប៊ិញ មីញ ក្នុងអំឡុងពេលធ្វើទស្សនកិច្ចនៅវៀតណាម ក្រសួងការបរទេសថ្លែងក្នុងសេចក្តីថ្លែងការណ៍កាលពីថ្ងៃសៅរ៍។
វៀតណាមគឹជាប្រទេសទី១នៅក្នុងដំណើរទស្សនកិច្ចវិលជុំ៤ប្រទេសក្នុងតំបន់អាស៊ីប៉ាស៊ីហ្វីក ដែលជាចលនាមួយត្រូវបានគេមើលឃើញថា ជាការឆ្លើយតបរបស់ក្រុងប៉េកាំងទៅនឹងទស្សនកិច្ចថ្មីៗរបស់អនុប្រធានាធិតី អាមេរិក កាមាឡា ហារីសនៅអាស៊ីអគ្នេយ៍។
កាលពីថ្ងៃសុក្រវៀតណាមបានប្រកាសថាចិននឹងផ្តល់វ៉ាក់សាំងកូវីដ-១៩ ចំនួន៣លានដូសក្នុងឆ្នាំនេះ ដែលជាការបូកសារុបចិនបានផ្តល់វ៉ាក់សាំងចំនួន៥៧លានដួសហើយដល់អាស៊ាន។
ខណៈដែលចិននិងវៀតណាមខំប្រឹងថែរក្សារចំណងការទូតនិងសេដ្ឋកិច្ច ភាពតានតឺងក៏បានផ្ទុះឡើងក្នុងរយៈពេលប៉ុន្មានឆ្នាំនេះលើរឿងទំនាស់ដែនកោះក្នុងសមុទ្ទចិនខាងត្បូង។
គួររំលឹកផងដែរ កាលពីខែមិនា អ្នកនាំពាកក្រសួងការបរទេសវៀតណាម អ្នកស្រី ឡេធី ធូហាង បានធ្វើការតវ៉ាថានាវារបស់ចិនបានចូលទៅក្នុងដែនអធិបតេយ្យភាព
កោះរបស់វៀតណាម។