រដ្ឋមន្ត្រីក្រសួងការពារជាតិហ្វីលីពីនបាទធ្វើទស្សនកិច្ចនៅទីក្រុងវ៉ាស៊ីនតោនD.C ដើម្បីស្វែងរកការសើរើឡើងវិញនូវកិច្ចព្រមព្រៀងការពារគ្នាទៅវិទៅមក (MDT) ព្រមទាំងបញ្ចុះបញ្ចូលស្នើសុំសម្ភារះសឹកទំនើបៗ។រដ្ឋមន្រ្តីក្រសួងការពារជាតិហ្វីលីពីន លោក Delfin Lorenzana បានសន្យាថានឹងមិនរវល់នឹងការធ្វើវិសោធន៍កម្មច្បាប់សមុទ្ទចិន ដែលឥឡូវនេះបានទាមទារឲ្យនាវាបរទេស ដែលបើកចូលសមុទ្ទចិនខាងត្បូងត្រូវរាយការណ៍ទៅអាជ្ញារធរចិន។

«ជំហររបស់យើងចំពោះរឿងនេះ គឺយើងមិនផ្តល់កិត្តិយសដល់ច្បាប់របស់ចិននៅក្នុងដែនសមុទ្ទហ្វីលីពីនខាងលិចពីព្រោះយើងពិចារណារ ឃើញថា យើងមានសិទ្ធនិងអធិបតេយ្យនៅក្នុងដែនទឹកទាំងនេះ ដូច្នេះយើងនឹងមិនទទួលស្គាល់ច្បាប់ចិននេះទេ»Lorenzana បាននិយាយនៅក្នុងព្រឹត្តការណ៍ខួបអនុសញ្ញានៃការការពារគ្នាទៅវិញទៅមករវាងហ្វីលីពីននិងអាមេរិក(MDT)។

ចិនដែលបានអះអាងសិទ្ធជាប្រវត្តិសាស្រ្តរបស់ខ្លួនសឹងតែទាំងអស់នៃដែនសមុទ្ទចិនខាងត្បូង បានធ្វើវិសោធន៍កម្ម ច្បាប់សុវត្តិភាពនាវាចរណ៍កាលពីខែមុនដែលនឹងចូលជាធរមាននៅថ្ងៃទី១ខែកញ្ញាចាងមុខនេះ។

ច្បាប់សមុទ្ទថ្មីនេះតម្រូវឲ្យនាវាបរទេសទាំងឡាយដែលចូលទៅសមុទ្ទចិិនខាងត្បូងត្រូវតែរាយការណ៍ទៅអាជ្ញាធរចិន។

គួររំលឹកផងដែរថាកាលពីឆ្នាំ២០១៦ តុលាការទីក្រុងឡាអេ បានចេញសាលដីការដោយចែងថា អំណះអំណាងរបស់ចិនពុំមានមូលដ្ឋានផ្លូវច្បាប់នោះទេ។