នៅស្រុកខ្លងខឿន (คลองเขื่อน) ខេត្តឆាឈឹងសៅ ឬស្ទឹងជ្រៅជាភាសាខ្មែរ ជាអតីតដែនដីខ្មែរសម័យមហានគរមាន ការកសាងរូបសំណាកព្រះគណេស ដ៏ធំមហាសាលមួយ ដែលអ្នកស្រុកជិតឆ្ងាយបានទៅគោរពបូជា ថ្វាយបង្គំសុំសេចក្ដីសុខ។

នៅប្រទេសថៃ ព្រះគណេសជាអាទិទេពនៃព្រហ្មញ្ញសាសនា ត្រូវបានប្រជាជនហៅថា “พระพิฆเนศ ឬ ព្រះភឃ្នេស”។  ព្រះអង្គត្រូវបានគេគោរពបូជាថាជាអាទិទេពនៃសំណាង និងភាពជោគជ័យ ជាអ្នកបំបាត់នូវឧបសគ្គផ្សេងៗ។ ទីសក្ការៈបូជា និងរូបចម្លាក់សម្រាប់ព្រះហិណ្ឌូដែលមានក្បាលដំរីនេះអាចមើលឃើញនៅទូទាំងប្រទេសថៃ។ រូបចម្លាក់ដ៏ធំបំផុតមួយចំនួនរបស់ព្រះគណេសក្នុងប្រទេសថៃគឺស្ថិតនៅខេត្តឆាឈឹងសៅនេះឯង។

  រូបសំណាកព្រះគណេស ទ្រង់ឈរនេះគឺស្ថិតនៅក្នុងឧទ្យានព្រះគណេស ខ្លងខឿន ដែលមានកម្ពស់រហូតដល់៣០ម៉ែត្រ។ គេតែងឆ្លាក់រូបលោកមានពោះកំប៉ោង ព្រះហស្ថកាន់ថាសម្ហូប កាន់ដំបងខ្លី និងកាន់កង្វារទំពក់ ។ ព្រះកេតនភណ្ឌរបស់ព្រះអង្គវិញគឺ ខ្សែរឹត ហើយយានជំនិះព្រះអង្គគឺសត្វកណ្តុរ៕

អត្ថបទ និង រូបភាពដោយណ្តាប់ដៃដែក