ក្រសួងការបរទេសកម្ពុជាបានសម្រេចតែងតាំងលោកជំទាវ ជ្រឹង បុទុម រង្សី ជាឯកអគ្គរាជទូតកម្ពុជាប្រចាំសាធារណៈរដ្ឋកូរ៉េជំនួសឯកឧត្តម ឡុ ង ឌី ម៉ង់ ដែលបានចប់អណ្ណត្តិបេសកម្មរយៈពេល ៥ ឆ្នាំកន្លងមក ។

គួរបញ្ចាក់ថាលោកជំទាវ ជ្រឹង បុទុម រង្សី ដែលបច្ចុប្បន្នជារដ្ឋលេខាធិការក្រសួងការបរទេសនិងសហប្រតិបត្តិការអន្តរជាតិត្រូវបាន មហាក្សត្រនៃព្រះរាជាណាចក្រកម្ពុជាបានប្រោសព្រះរាជទាននូវមុខងារជាឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រ កម្ពុជាប្រចាំសាធារណៈរដ្ឋកូរ៉េដែលតាមគម្រោងលោកជំទាវនឹងហោះហើរពីទឹកដីកម្ពុជាទៅប្រទេសកូរ៉េនាថ្ងៃទី១០ ខែកញ្ញា នេះ ។

លោក ជំទាវ ជ្រឹង បុ ទុម រង្សី បានប្រាប់សារព័ត៌មានថាលោកជំទាវសូមថ្លែងអំណរគុណដល់ប្រមុខរាជរដ្ឋាភិបាលដែល « បានផ្តល់នូវសេចក្តីទុកចិត្តដល់នាងខ្ញុំក្នុងការចេញទៅបំពេញបេសកម្មដើម្បីបម្រើដល់ផលប្រយោជន៍ជូនជាតិនិងមាតុភូមិ … នាងខ្ញុំនឹងខិតខំបំពេញ កាតព្វកិច្ចនិងកិច្ចការងារក្នុងតួនាទីជាឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រកម្ពុជាប្រចាំសាធារណៈរដ្ឋកូរ៉េឱ្យអស់ពីសមត្ថភាពនិងសមស្របតាមការផ្តល់ទំនុកចិត្តរបស់រាជរដ្ឋាភិបាល » ។