រដ្ឋមន្រ្តីក្រសួងការបរទេសនិងការពារជាតិ អូស្រ្តាលី នឹងទៅបំពេញទស្សនកិច្ចនៅក្នុងប្រទេស ឥណ្ឌូនេស៊ី ឥណ្ឌា កូរ៉េខាងត្បូង និងអាមេរិកដើម្បីរិតចំណងទាក់ទងសេដ្ឋកិច្ចនិងសន្តិសុខនៅក្នុងឥណ្ឌូប៉ាស៊ីហ្វិក ខណះដែលតំបន់កំពុងមានភាពតានតឹងជាមួយប្រទេសចិន។រដ្ឋមន្ត្រីក្រសួងការបរទេស Maris Payne និងរដ្ឋមន្ត្រី ក្រសួងការពារជាតិ Peter Dutton បានចាកចេញពីអូស្រ្តាលីកាលពីថ្ងៃពុធ បើទោះបីជាបំរាមហាមឃាត់មិនឲ្យចេញក្រៅស្រុកដោយសារកូវីដ-19ក៏ដោយ។ការធ្វើទស្សនកិច្ចនេះក៏ជាការរៀ ចំទុកជាមុន សំរាប់ដំណើរទស្សនកិច្ចរបស់លោកនាយករដ្ឋមន្រ្តី Scott Morrison ទៅកាន់ទីក្រុង Washington D.C ដើម្បីជួបប្រជុំ ជាមួយមេដឺកនាំ ជប៉ុន ឥណ្ឌា និងអាមេរិក នៅក្នុុងកិច្ចពិភាក្សារ សន្តិសុខ៤ភាគី (quad)។ចិនបានហៅកិច្ចប្រជុំនេះថាជាការប៉ុនប៉ងហុំព័ទ្ធនូវមហិច្ឆិតារបស់ចិន ។Payne និងDuttonនឹងមានការជួបប្រជុំជាមួយសមភាគីរបស់ខ្លួន នៅទីក្រុងញូវដែល្លីផងដែរ ដែលពួកគេនឹងជជែកគ្នាពី បញ្ហាសន្តិសុខ សេដ្ឋកិច្ច បរិស្ថាននិងបច្ចេកវិទ្យាផងដែ នេះបើយោងទៅតាមសេចក្តីថ្លែងការណ៍របស់ក្រសួងការបរទេស អូស្រ្តាលី។