សហគមន៍អឺរ៉ុប កាលពីថ្ងៃពុធបានធ្វើការរិះគន់ទៅលើរដ្ឋាភិបាលបណ្តោះអាសន្នដែលរៀបចំឡើងដោយពួកតាលីបង់ថាគ្មានការួមបញ្ចូលតំណាងជនជាតិភាគតិចក្នុងប្រទេសឬចម្រុះនិកាយសាសនាអ្វីបន្តិចទាល់តែសោះ។

អ្នកនាំពាក្យសហគមន៍អ៉ឺរ៉ុបបញ្ជាក់ថា វាគ្មានអ្វីដូចការរំពឹងទុក ក៏ដូចជាការសន្យាពីប៉ុន្មានអាទិត្យមុន នូវការរួមច្របាច់បញ្ចូលគ្នានៃក្រុមកុលសម្ព័ន្ធជនជាតិភាគតិច សាសនាចម្រុះ សមាសភាពក្នុងរដ្ឋាភិបាលសុទ្ធតែបុរស និងជាមនុស្សដដែលៗជាអ្នកធ្លាប់ឆ្លងកាត់ការប្រយុទ្ធតាំងពីឆ្នាំ ១៩៩៦ រហូតមកដល់ឆ្នាំ២០០១។

រដ្ឋមន្រ្តីក្រសួងការបរទេស EU បានសង្កត់ធ្ងន់កាលពីសប្តាហ៍មុនថា ការៀបចំរដ្ឋាភិបាលវាជាលក្ខ័ណមួយក្នុងចំណោមលក្ខ័ណទាំ៥ដែលបានព្រមព្រៀងគ្នាហើយក៏ទាក់ទងទៅនឹងចំណងការទូតរវាងប្រទេសទាំង២៧និងសហរដ្ឋអាមេរិក ជាមួយពួកតាលីបង់ផងដែរ។

ក្រុមប្រទេសទាំងអស់នេះបានបង្កកមូលនិធិ ជាង១,000លានដុល្លារដែលជាថវិការសំរាប់ធ្វើការអភិវឌ្ឍន៍ប្រទេសអាហ្វហ្គានិស្ថានរយៈពេល៧ឆ្នាំទៅមុខ។