បន្ទាប់ពីដកកងទ័ពចេញពីអាហ្វហ្គានីស្ថាន អាមេរិកបានបន្សល់ទុកគ្រឿងអាវុធយុទ្ធភ័ណ្ឌដែលមានតម្លៃរាប់រយពាន់លានដុល្លារ នៅក្នុងទីក្រុងកាប៊ុលនិងខេត្តដ៏ទៃទៀត។ ពេលនេះពួកតាលីបង់កំពុងកាន់កាប់គ្រឿងអាវុធអស់ទាំងនោះដែលបន្សល់ទុកក្នុងអាហ្វហ្គានីស្ថាន។

នៅក្នុងឃ្លិបវីឌីអូមួយបានបញ្ចាំងឲ្យឃើញថា ពួកតាលីបង់បានទទួលការស្វាគមន៍អាកាសយានិកម្នាក់ដែលបានលួចនាំយកឧទ្ធម្ភាគចក្រមួយគ្រឿងពីកងទ័ពអាមេរិក(Black Hawk )។វីឌីអូបានបង្ហាញឲ្យឃើញថា ពួកតាលីបង់បានបំពាក់កម្រងផ្កាឲ្យបុរសនោះដែលបានបើកឧទ្ធម្ភាគចក្រទៅខេត្ត Kuna។

យោងទៅតាមប្រភព Reuter អាមេរិកបានបន្សល់ទុកយន្តហោះមួយចំនួន កែវយិតសំរាប់ពេលយប់ រថយន្តកងទ័ពនិងសម្ភារះទំនើបមួយចំនួនទៀត។តែបើតាមប្រភពតាលីបង់ បានឲ្យដឹងថាអាមេរិកបន្សល់ទុកយានជំនិះ 2,000 គ្រឿង យន្តហោះនិងឧទ្ធម្ភាគចក្រ 40គ្រឿង។

យើងបានឃើញពួកតាលីបង់ ប្រើប្រាសអាវុធដែលគេបានរិបអូសយកពីទាហ៊ានរដ្ឋាភិបាល ដែលនេះគឺជាការគំរាមកំហែងដល់កងទ័ពអាមេរិកនិងសម្ព័នមិត្តរបស់យើង នេះជាសម្តីរបស់មន្រ្តីយោធាអាមេរិកម្នាក់។