កងទ័ពអង់គ្លេសបានឲ្យដឹងថា ទាហ៊ានអាហ្វហ្គានីស្ថានដែលហ្វឹកហ្វឹនដោយអាមេរិកនិងអង់គ្លេសបានចុះចូលនិងប្រយុទ្ធដើម្បីពួកតាលីបង់។ទាហ៊ានអង់គ្លេសបានធ្វើការវិភាគថា រូបភាពថ្មីៗរបស់ពួកតាលីបង់ក្នុងការប្រើអាវុធ ធ្វើឲ្យគេជឿជាក់ថា ពួកតាលីបង់បានប្រើប្រាស់អាវុធនិងបច្ចេកទេសដែលពួកគេបានរៀនពីអាមេរិកនិងអង់គ្លេសក៏ដូចជាពីNATO។ប្រភពមន្រ្តីយោធាអង់គ្លេសបានប្រាប់កាសែត Times ថា គេបានសំគាល់ឃើញពីរបៀបបាញ់របស់អ្នកប្រយុទ្ធតាលីបង់ម្នាក់ដែលដាក់ម្រាមដៃត្រង់ទៅលើកៃកាំភ្លើងនៅពេលដែលឈរយាម ដែលជាករចង្អុលបង្ហាញថាជារបៀបប្រើកាំភ្លើងរបស់ទាហ៊ានលោកខាងលិច។
នេះជារបៀបប្រើអាវុធរបស់ពួកយើង នៅពេលដែលយើងឃើញគេប្រើរបៀបនេះ យើងអាចដឹងថាពួកគេជាមនុស្សយើង ព្រោះនេះជារបៀបការពារសុវត្តិភាពដែលយើងបានបង្ហាត់ដល់ពួកគេ។ក្រោយពីមិនមានការបញ្ជាក់ជាផ្លូវការណាមួយថាពួកគេបានចុះចូលនឹងពួកតាលីបង់ ប្រភពយោធាអាមេរិកបានិយាយថា ពួកគេចុះចូលដើម្បីថែរក្សាសុវត្តិភាពនិងអាយុជីវិតរបស់ពួកគេ។

រឿងនេះត្រូវបានគេបញ្ចេញឲដឹងដោយសារការប្រយុទ្ធនៅជ្រលងPanjshir ។