មេដឹកនាំគណបក្សប្រឆាំងដ៏ធំក្នុងប្រទេសហ្គីណេ បាននិយាយកាលពីថ្ងៃអង្គារ៍ថា លោកបានត្រូវគេបើកចំហរ ឲ្យចូលរួមក្នុងរដ្ឋាភិបាលអន្តរកាល បន្ទាប់ពីពួកយោធាបានធ្វើរដ្ឋប្រហារកាលពីថ្ងៃអាទិត្យ ហើយបានបង្ហាញជំហរក្នុងការបង្រួបបង្រួមក្នុងការចាប់យកអំណាច។

ក្រុមប្រទេសអាហ្រ្វិកខាងលិចបានគំរាមថា នឹងដាក់ទណ្ឌកម្មក្រោយពីមានការផ្តួលរំលំលោកប្រធានាធិតី Alpha Conde ដែលកំពុងនៅក្នុងអាណត្តិទី3 បន្ទាប់ពីបានធ្វើការកែប្រែរដ្ឋធម្មនុញ្ញ។

មេដឹកនាំបក្សប្រឆាំងបាននិយាយទៀតថា ការធ្វើវិសោធន៍កម្មរដ្ឋធម្មនុញ្ញនេះវាខុសច្បាប់ ដែលនាំឲ្យមានការតវ៉ាប្រឆាំង និងមានមនុស្សស្លាប់ជាច្រើន កាលពីឆ្នាំមុន។ អ្នកទោសនយោបាយចំនួន80នាក់ ដែលត្រូវបានចាប់ខ្លួនដោយរដ្ឋាភិបាលលោក Conde និងអ្នកធ្វើយុទ្ធនាការប្រឆាំងទៅនឹង ការកាន់អំណាចរបស់លោកក្នុងអាណត្តិទី3 ត្រូវបានដោះកាលពីថ្ងៃអង្គារ៍ល្ងាច បើតាមប្រភពអង្គការសិទ្ធមនុស្ស ហ្គីណេ។

មេដឺកនាំគណបក្សប្រឆាំង Cellou Dalein Diablo បាននិយាយប្រាប់សារព័ត៌មាន Reuter ថាលោកមិនទាន់បានពិភាក្សារគ្នារឿងនេះនៅឡើយទេ តែបានប្រុងប្រៀបខ្លួនរួចជាស្រេចហើយ។

មេដឹកនាំប្រទេសក្នុងតំបន់ក៏នឹងលើកយកបញ្ហា ហ្គីណេ ទៅពិក្សារគ្នានៅថ្ងៃពុធនេះផងដែរ៕