អ្នកនាំពាក្យតាលីបង់ បានិយាយថាគេចង់មានទំនាក់ទំនងជាមួយអន្តរជាតិ ប្រទេសក្នុងតំបន់ រួមទាំងសហរដ្ឋអាមេរិកផងដែរ។
យើងចង់មានទំនាក់ទំនងជាមួយប្រទេសទាំងអស់ លើកលែងតែ អុីស្រាអែលមួយប៉ុណ្ណោះ សំដីអ្នកនាំពាក្យ បន្ទាប់ពីពួកគេបានរៀបចំរដ្ឋាភិបាលបណ្តោះអាសន្នមួយកាលពីថ្ងៃអង្គារ៍។អ្នកនាំពាក្យ Suhail Shaheen បាននិយាយប្រាប់ទីភ្នាក់ងារសាព័ត៌មានរុស្សី Sputnik News ថា គេចង់មានទំនាក់ទំនងល្អនិងធ្វើការងារជាមួយអាមេរិក បន្ទាប់ពីបានធ្វើការដកទ័ពចេញទាំងស្រុងពី អាហ្វហ្គានីស្ថាន។
ប្រាកដណាស់វាជាសករាជថ្មីប្រសិបើអាមេរិកចង់មានទំនាក់ទំនងជាមួយនឹងយើង ដែលវានឹងមានប្រយោជន៍ដល់ប្រទេសនិងប្រជាជនប្រទេសទាំង២ និងបើសិនជាអាមេរិកចង់ករសាងអាហ្គានីស្ថានឡើងវិញ យើងនឹងស្វាគមន៍ ប៉ុន្តែអុីស្រាអែលនឹងគ្មានឪកាសទេ ប្រាកដណាស់យើងនឹងមិនធ្វើទំនាក់ទំនងជាមួយអុីស្រាអែលទេ។
កាលពីខែមុនSaheenបានធ្វើឲ្យមានការភ្ញាក់ផ្អើលមួយ ដោយគាត់បានផ្តល់កិច្ចសម្ភាសន៍ជាមួយប្រព័ន្ធផ្សព្វផ្សាយអុីស្រាអែល ប៉ុន្តែក្រោយមកគាត់បាននិយាយថាគេបានធ្វើឲ្យគាត់យល់ច្រឡំ ដោយអ្នក កាសែតនោះ ប្រាប់ឈ្មោះខ្លួនឯងតែមិនបានប្រាប់ថាជាប្រព័ន្ធផ្សព្វផ្សាយអុីស្រាអែល។គួរបញ្ជាក់ផងដែរថាក្នុងសមាសភាពរដ្ឋាភិបាលបណ្តោះអាសន្ននេះពុំមានមេដឹកនាំជាស្រ្តីនោះទេ ដែលនាំឲ្យមានការព្រួយបារម្ភពីសហគមន៍អន្តរជាតិលើបញ្ហសិទ្ធនារី។
