ប្រទេសថៃ៖ បន្ទាប់ពីស្ថានការណ៍កូវីដ នៅប្រទេសថៃ ចាប់ផ្ដើមប្រសើរឡើងមក លោក ប្រាយុទ្ធ ចាន់អូឆា នាយករដ្ឋមន្ត្រី និងជារដ្ឋមន្ត្រីក្រសួងការពារជាតិថៃ យល់ឃើញថា÷ គណៈកម្មារការចំពោះកិច្ច បើកបង្កើតឡើងដើម្បីប្រយុទ្ធប្រឆាំង នឹងការឆ្លងរីករាលដាលនៃវីរុសកូវីដ19 ក្នុងប្រទេសថៃ អាចនឹងត្រូវរំលាយអង្គភាពមួយនេះនៅថ្ងៃទី 12 កញ្ញាខាងមុខ ដោយលោកប្រាយុទ្ធ យល់ឃើញថាស្ថានការណ៍នៅក្នុងព្រះរាជាណាចក្រថៃឡង់អាចទប់ស្កាត់បាន ហើយលើសពីនេះទៅទៀត នឹងអាចបើកប្រទេសថៃមកក្នុងប្រក្រតីភាពឡើងវិញនៅដើមឆ្នាំ 2022 ខាងមុខនេះទៀតផង។

ខណៈដែលគណៈកម្មការចំពោះកិច្ចបានព្យាករណ៍ថា នៅក្នុងខែតុលា ឆ្នាំ 2021 ខាងមុខ ចំនួនអ្នកឆ្លងវីរុសកូវីដ-19 នៅក្នុងប្រទេសថៃអាចកើនឡើងដល់មួយថ្ងៃចំនួន ៣ម៉ឺននាក់ ហើយនាពេលបច្ចុប្បន្ននេះ អ្នកបាត់បង់ជីវិតដោយសារ កូវីដ-19 រាល់ថ្ងៃក៏ច្រើនមិនតិចជាង ពីររយនាក់ដែរ។ តែទោះជាយ៉ាងនេះក្តីលោក ប្រាយុទ្ធ យល់ឃើញថា គួរតែរំលាយអង្គភាពមួយនេះនៅក្នុងថ្ងៃទី 10 កញ្ញាខាងមុខនេះ ដោយលោកយល់ឃើញថា ខ្ទង់ថវិកាដែលចំណាយ ទៅលើអង្គភាពនេះ ច្រើនគួរឲ្យកត់សម្គាល់។

សូមបញ្ជាក់ផងដែរ ថានៅថ្ងៃទី 07 កញ្ញានេះប្រទេសថៃ មានអ្នកឆ្លងវីរុសកូវីដ-19 ចំនួន 13,821 នាក់ សរុបចំនួនអ្នកឆ្លងសរុបចំនួន 1,308,343 នាក់ អ្នកបាត់បងជីវិតចំនួន 241 នាក់ សរុបអ្នកបាត់បង់ជីវិតទាំងអស់ចំនួន 13,283 នាក់ ហើយប្រទេសថៃឈរនៅក្នុងលេខរៀងទី 29 ក្នុងចំណោមប្រទេស 195 ទូទាំងពិភពលោក៕

អត្ថបទ និងរូបភាពដោយ កណ្ដាប់ដៃដែក