លោក Taro Kono រដ្ឋមន្រ្តីទទួលបន្ទុកការជំរុញចាក់វ៉ាក់សាំង បច្ចុប្បន្នកំពុងមានការនាំមុខ ក្នុងការស្ទាបស្ទង់មតិមួយ ក្នុងចំណោមមេដឹកនាំដ៏ទៃទៀត ដែលនឹងអាចក្លាយទៅជានាយករដ្ឋមន្ត្រីថ្មី។

លោក Kono បានទទួលការគាំទ្រ 31,9% តាមរយៈអ្នកឆ្លើយតាមទូរស័ព្ទក្នុងការស្ទាបស្ទង់មតិទូទាំងប្រទេសនៅចុងសប្តាហ៍នេះ ដោយយោងទៅតាមទីភ្នាក់ងារព័ត៌មាន Kyodo News ។ ចំពោះលោក Kono ខ្លួនឯងក៏មិនទាន់បានបញ្ជាក់ថា លោកនឹងមានបំណងស្វះស្វែងចាប់យកតំណែង ជាប្រធានគណបក្សប្រជាធិបតេយ្យសេរី ដែលជាគណបក្សកាន់អំណាចរបស់ជប៉ុនផងដែរ។

កាលពីថ្ងៃសុក្រ លោកនាយករដ្ឋមន្រ្តី Yoshihide Suga បានរៀបចំផ្លូវសំរាប់មេដឹកនាំថ្មី ដោយលោក បានប្រកាសថាលោកនឹងមិនឈរឈ្មោះជាបេក្ខជនប្រធានគណបក្សសំរាប់អាណត្តិក្រោយទៀតនោះទេ ដោយលោកបានទទួលនូវការរិះគន់យ៉ាងខ្លាំងក្លា ក្នុងការដោះស្រាយទៅនឹងវិបត្តិកូវីដ-19 ដែលបណ្តាលឲ្យតំបន់ជាច្រើនក្នុងប្រទេសជប៉ុន ជួបនឹងភាពអាសន្ន។

គូប្រជែងដ៏សំខាន់របស់លោក Kono ក្នុងគណបក្សគឺ អតីតរដ្ឋមន្រ្តីក្រសួងមហាផ្ទៃ Takeuchi តែទោះជាយ៉ាងណាក៏លោក Suga បាននិយាយថាលោកគាំទ្រ លោក Kono ដើម្បីបន្តតំណែងពីរូបលោក៕