តាមការផ្សាយកាសែតបរទេស Reuters កាលពីថ្ងៃម្សិលមិញ ទី ៦ ខែកញ្ញា បានអោយដឹងថា តុលាការប្រជាជនវៀតណាម ខេត្តកាម៉ៅ (Ca Mau) កាលពីថ្ងៃទី៦ ខែកញ្ញា បានវិនិច្ឆ័យ និងផ្តន្ទាទោសបុរសឈ្មោះ ឡេ វ៉ាន់ទ្រី អាយុ ២៨ឆ្នាំ អោយជាប់គុក រយៈពេល៥ឆ្នាំ ពីបទល្មើសវិធានការចត្តាឡឹស័ក ដោយគាត់បានគេចពីទីក្រុងហូជីមិញ មកកាន់ខេត្តកាម៉ៅ រួចល្មើសមិនព្រមធ្វើចត្តាឡីស័ក រយៈពេល២១ថ្ងៃ និងបានទៅចម្លងមេរោគកូវីដ ដល់មិត្តភក្រ័ ចំនួន៨នាក់ផ្សេងទៀត ក្នុងនោះមានម្នាក់បានស្លាប់ ក្រោយចូលទទួលការព្យាបាលពីមន្ទីរពេទ្យផងដែរ៕