ហ្វីលីពីន: តាមប្រភពព័ត៌មាននៅក្នុងស្រុកដែលបានចេញផ្សាយនៅថ្ងៃទី 05 កញ្ញាឆ្នាំ 2021 បានដឹងថា អាកាសចរណ៍ជាតិមួយដែលមានឈ្មោះថា ហ្វីលីពីនអ័រឡាញ កំពុងតែដាក់លិខិតប្រកាសក្ស័យធន ខណ:ដែលក្រុមហ៊ុនអាកាសចរណ៍ ហ្វីលីពីនអ័រឡាយ មួយនេះត្រូវរងនូវការវាយប្រហារយ៉ាងធ្ងន់ធ្ងរពីសំណាក់វីរុស កូវីដ-19។

តាមប្រភពព័ត៌មានបានបញ្ជាក់ទៀតថា អាកាសចរណ៍ជាតិរបស់ហ្វីលីពីនមួយនេះ គឺរងនូវវិបត្តិធ្ងន់ធ្ងរដោយសារតែវីរុសកូវីត-19 ហើយបើនិយាយពីរឿងពន្ធដារវិញគ្រាន់តែអាកាសចរណ៍ហ្វីលីពីនអ៊ែរឡាញ ជំពាក់កើនរហូតទៅដល់ជាង ពីរពាន់លានដុល្លារឯណោះ។ ទាក់ទិនជាមួយនឹងបញ្ហានេះផងដែរ អ្នកឯកទេសព្រឹទ្ធាចារ្យម្នាក់នៅប្រទេសហ្វីលីពីន បានបង្ហើបឲ្យដឹងថា ប្រសិនបើប្រកាសក្ស័យធនដូច្នេះ នឹងអាចទទួលបានទុន ដើម្បីធ្វើការវិនិយោគវិញយ៉ាងហោចណាស់ 655 លានដុល្លារ គឺស្មើនិងប្រមាណជាង25% នៃទុនវិនិយោគផងដែរ ដោយយោងតាមច្បាប់ដែលបានកំណត់ក្នុងមាត្រាទី11 របស់សហរដ្ឋអាមេរិក ហើយនឹងអាចធ្វើការចរចារ ជាមួយនឹងការចុះកុងត្រាផ្សេងៗសារជាថ្មីទៀតផង។

ដូច្នេះហើយទើបអាកាសចរជាតិហ្វីលីពីនមួយនេះ ដែលមានឈ្មោះថាហ្វីលីពីនអ័រឡាយធ្វើការដាក់លិខិត ស្នើប្រកាសក្ស័យធនបែបនេះ៕

អត្ថបទ និងរូបភាពដោយ កណ្ដាប់ដៃដែក