ក្រោយការចោទសួរ និងជជែកដេញដោលអស់រយៈពេល៤ថ្ងៃពេញ លោក ប្រាយុទ្ធចាន់អូចា និងសមាជិកគណៈរដ្ឋមន្ត្រីរបស់លោកចំនួន៥រូបផ្សេងទៀត នៅតែអាចបន្តកាន់តំណែងដដែលក្រោយការបោះឆ្នោតដោយសេចក្តីទុកចិត្តមិនបានសម្រេចក្នុងរដ្ឋសភារបស់ថៃកាលពីចុងសប្តាហ៍មុននេះ។
ក្រោយការដកតំណែងមិនបានសម្រេចនេះ សកម្មជនស្រលាញ់ប្រជាធិបតេយ្យមានទំនោរប្រឆាំងរដ្ឋាភិបាលថៃបច្ចុប្បន្ន ហើយដែលភាគច្រើនសុទ្ធសឹងជាយុវជននោះ គ្រោងនឹងបន្តធ្វើបាតុកម្មទាមទារឱ្យលោក ប្រាយុទ្ធ ចុះចេញពីតំណែងបន្តទៀត ដោយសន្យាថានឹងមិនបោះបង់ផែនការរបស់ពួកគេឡើយ។
