ឯកអគ្គរដ្ឋទូតអាល្លឺម៉ង់ប្រចាំប្រទេសចិន ដែលជាមនុស្សជំនិត និងជាអតីតទីប្រឹក្សានយោបាយការបរទេសរបស់អ្នកស្រី Angela Merkel លោក Jan Hecker  អាយុ 54 ឆ្នាំ បានទទួលមរណភាព ក្រោយពីចូលកាន់តំណែងមិនទាន់បានកន្លះខែផង នេះបើតាមសេចក្តីប្រកាសរបស់ការិយាល័យសហព័ន្ធ ទទួលបន្ទុកកិច្ចការបរទេស នៅថ្ងៃច័ន្ទនេះ។

"យើងមានការក្តុកក្តួល និងរំជួលចិត្តឥតឧបមា ចំពោះការទទួលបាននូវព័ត៌មានមរណភាពរបស់ ឯកអគ្គរដ្ឋទូតប្រចាំទីក្រុងប៉េកាំង លោក Jan Hecker ដែលវាហាក់ដួចជាលឿនពេក" ថ្លែងក្នុងសេចក្តីថ្លែងការណ៍របស់សហព័ន្ធ។

ក្រសួងការបរទេស អាល្លឺម៉ង់មិនបានបង្ហើបឲ្យដឹង អំពីមូលហេតុនៃមរណភាពរបស់លោក Jan Hecker នោះទេ គ្រាន់តែបាននិយាយថា លោកទើបតែត្រូវបានបញ្ជូនទៅកាន់ប្រទេសចិនកាលពីខែមុន៕