ការដើរបង្ហាញម៉ូដលើកដំបូងរបស់កូនស្រីហាយ ឌីឃ្លូម

ឡេនី អូលូមីឃ្លូម(Leni Olumi Klum)  មានដើមកំណើតជាជនជាតិអាមេរិកកាត់អុីតាលី ដែលមានម្តាយឈ្មោះ ហាយឌីឃ្លូម(Heidi Klum)ជាកំពូលតារាបង្ហាញម៉ូដ និងបច្ចុប្បន្នជាអ្នកដាក់ពិន្ទុនៅក្នុងកម្មវិធី American got Talent ដ៏ល្បីរបស់សហរដ្ឋអាមេរិក ចំណែកឪពុកឈ្មោះ ហ្វេវីយ៉ូ ប្រ៊ីយ៉ាតូ (Flavio Briatore)ជាអ្នកជំនួញជនជាតិអុីតាលី និងជាអតីតអ្នកគ្រប់គ្រងការប្រណាំងឡានហ្វម៉ូឡាវ័នផងដែរ។ 

ដូចពាក្យចាស់ពោលថា “ស្លឹកឈើជ្រុះមិនឆ្ងាយពីគល់” Leni មានរូបសម្រស់ស្រស់ស្អាតដូចម្តាយអីចឹង នាងមានអាយុ១៧ឆ្នាំ មានកំពស់1.73cm និងទំងន់48kg។ នាងចាប់ផ្តើមអាជីពជាតារាបង្ហាញម៉ូដលើកដំបូងលើឆាកដ៏ធំរបស់ Dolce & Gabana’s Alta Moda Show (D&G) ដែលប្រព្រឹត្តទៅនៅសប្តាហ៍មុននៅទីក្រុងវ៉េនីស ប្រទេសអុីតាលី។ នៅលើឆាកនាងតម្រូវឲ្យស្លៀករ៉ូបD&G ពណ៌ខៀវ និងពាក់ម្កុដដែលមើលទៅដូចខ្សែរាជវង្សអីចឺង ភាពស្រស់ស្អាតរបស់នាងធ្វើឲ្យនាងមានភាពលេចធ្លោយ៉ាងខ្លាំង។