តាមការប្រកាសរបស់មន្រ្តីជាន់ខ្ពស់គណបក្ស LDP នៅថ្ងៃទី៣ ខែកញ្ញានេះ លោក ស៊ូហ្កា យូសុីហីដេ នាយករដ្ឋមន្ត្រីជប៉ុននឹងមិនបន្តតំណែងនាយករដ្ឋមន្ត្រីទៀតឡើយ បន្ទាប់កាន់តំណែងបានតែមួយឆ្នាំប៉ុណ្ណោះ។

គូរបញ្ចាក់ថានាយករដ្ឋមន្ត្រីស៊ូហ្កា យូស៊ីហ៊ីដេ បានឡើងកាន់តំណែងប្រធានបក្សប្រជាធិបតេយ្យសេរី និងតំណែងនាយករដ្ឋមន្ត្រី បន្ទាប់ពីលោក អាបេ ស៊ិនហ្សូ បានលាលែងពី តំណែងកាលពីខែកញ្ញាឆ្នាំ២០២០ ដោយសារបញ្ហាសុខភាព។ គណបក្ស LDPគ្រោង នឹងបោះឆ្នោតជ្រើសរើសប្រធានបក្សថ្មីនៅថ្ងៃទី២៩ ខែកញ្ញាឆ្នា២០២១ខាងមុខ តែលោក ស៊ូហ្កា អាចនឹងមិនចូលរួមឡើយ។

 ប្រធានបក្ស LDP ថ្មី នឹងក្លាយជានាយករដ្ឋមន្រ្តីផងដែរ ដោយសារកាន់កាប់សំឡេងភាគច្រើនក្នុងសភាជាន់ទាបទៅហើយ។ អតីតរដ្ឋមន្ត្រីការបរទេស ហ្វូមីអូ គីស៊ីដា ជាបេក្ខជននាំមុខសម្រាប់តំណែងប្រធានបក្សថ្មី។ មានការរិះគន់ផងដែរចំពោះវិធានការទប់ស្កាត់ជំងឺកូវីដ-១៩ របស់លោក ស៊ូហ្កា ហើយជំរុញឱ្យមាន កញ្ចប់ថវិកាដើម្បីប្រយុទ្ធប្រឆាំងនឹងជំងឺនេះ។