នៅឆ្នាំ ២០២១ ក្នុងរយៈពេល៥ខែដំបូងនេះ ប្រទេសរុស្ស៊ីបានកើនឡើងនូវការនាំចេញវ៉ាក់សាំងទៅក្រៅប្រទេស បើប្រៀបធៀបទៅរយៈពេល ៣ ឆ្នាំចុងក្រោយនេះ។
ទិន្នន័យរបស់ភ្នាក់ងារពន្ធគយបានបង្ហាញថា ប្រទេសរុស្ស៊ីបាននាំចេញវ៉ាក់សាំងប្រមាណជាង៣០ពាន់លានដុល្លារ ក្នុងរយៈពេល៥ខែដំបូងក្នុងឆ្នាំនេះ ពោលគឺច្រើនជាងការនាំចេញវ៉ាក់សាំងនៅក្នុងរយៈពេលបីឆ្នាំចុងក្រោយបូកបញ្ចូលគ្នានេះទៅទៀត។
ការកើនឡើងនេះ គឺបណ្តាលមកពីការលក់នូវវ៉ាក់សាំង Sputnik V ប្រឆាំងនឹងមេរោគកូរ៉ូណា ចំនួនរាប់លានដូស ត្រូវបាននាំចេញទៅក្រៅប្រទេស ដែលរួមមាន ប្រទេស Argentina ប្រទេស Kazakhstan ប្រទេស Belarus ប្រទេស Hungary និងប្រទេស Serbia។
តួលេខសរុបខាងលើនេះ គឺរួមបញ្ចូលទាំងការនាំចេញវ៉ាក់សាំងប្រឆាំងនឹងជម្ងឺលឿង និងជម្ងឺគ្រុនផ្តាសាយ។ ដោយឡែកក្រសួងពាណិជ្ជកម្មបានប្រាប់ទៅគេហទំព័រពាណិជ្ជកម្ម RBC ថាការកើនឡើងនៅលើការលក់នេះ គឺភាគច្រើនបានមកពីការនាំចេញវ៉ាក់សាំង Sputnik V ។
ប្រទេសរុស្ស៊ីមិនបានបង្ហាញព័ត៌មានលម្អិតទៅលើចំនួនទឹកប្រាក់ ដែលខ្លួនរំពឹងថា នឹងបានពីការនាំចេញ វ៉ាក់សាំង Sputnik V ទៅជុំវិញពិភពលោកនោះទេ។
នៅក្នុងឆ្នាំ ២០១៩ រុស្ស៊ីបាននាំចេញវ៉ាក់សាំង គិតជាទឹកប្រាក់ចំនួន ៦០ លានដុល្លារ ហើយចំនួនទឹកប្រាក់នេះបានកើនឡើងទៅដល់ ៧០ លានដុល្លារ បើបៀបធៀបទៅនឹងឆ្នាំ ២០២០។
ក្នុងរយៈពេល ៥ ខែ ដំបូងនៃឆ្នាំ ២០២១ ការនាំចេញវ៉ាក់សាំងរបស់ប្រទេស Moscow បានកើនឡើងដល់ចំនួនសរុប ៣០៤ លានដុល្លារ នេះបើយោងតាមទិន្នន័យពន្ធគយដែលវិភាគដោយ RBC បើប្រៀបធៀបទៅចំនួនទឹកប្រាក់ ១០ លានដុល្លារ ក្នុងរយៈពេលដូចគ្នាក្នុងឆ្នាំ ២០២០។
ទោះជាបញ្ហាជាច្រើនសំខាន់ៗ ក្នុងចំណោមបញ្ហា ការពន្យារពេលនៃផលិតកម្ម និងបញ្ហាក្នុងការដឹកជញ្ជូនសម្រាប់អតិថិជនទិញវ៉ាក់សាំង SputnikV ក៏កំណើននៃការនាំចេញវ៉ាក់សាំងរបស់រុស្ស៊ី មានការកើនឡើងយ៉ាងកត់សម្គាល់ នោះបើបៀបទៅនឹងភាពយឺតយ៉ាវនូវការនាំចេញវ៉ាក់សាំងបង្ការមេរោគកូរ៉ូណារបស់ប្រទេសមួយចំនួន ដែលបានចុះបញ្ជីលក់។
ប្រទេសចិនបានបង្កើនការនាំចេញវ៉ាក់សាំងរបស់ខ្លួនស្ទើរតែ ១០០ ដង ក្នុងរយៈពេល ៥ ខែ ដំបូងក្នុងឆ្នាំ ២០២១ ដោយលក់បាន ១,៨ ពាន់លានដុល្លារ បើប្រៀបធៀបទៅនឹងចំនួន ១៩ លានដុល្លារ ក្នុងរយៈពេលដូចគ្នាកាលពីឆ្នាំមុន។ ខណៈពេលនេះដែល សហភាពអឺរ៉ុបក៏បាននាំចេញវ៉ាក់សាំងចំនួន ៦,៤ ពាន់លានដុល្លារ ទៅក្រៅប្រទេសដែលកើនឡើងពី ៤,៣ ពាន់លានដុល្លារមក ហើយសហរដ្ឋអាមេរិកក៏បាននាំចេញជាង ១,៥ ពាន់លានដុល្លារ ផងដែរ។
ប្រទេសរុស្ស៊ីសង្ឃឹមថា ភាពជោគជ័យនូវការនាំចេញវ៉ាក់សាំង Sputnik V អាចជួយឲ្យប្រទេសរុស្ស៊ីចូលទៅក្នុងទីផ្សារនាំចេញវេជ្ជសាស្រ្ត ដែលមិនត្រឹមតែផ្តល់នូវចំណូលថ្មីសម្រាប់វ៉ាក់សាំងការពារជម្ងឺកូវីដ១៩ នោះទេ តែវាអាចជាឱកាសបើកទ្វារឲ្យប្រទេសរុស្ស៊ីលក់ផលិតផល ឱសថដទៃទៀតនៅជុំវិញពិភពលោក៕
អត្ថបទដកស្រង់ពី TMT
បកប្រែ និងកែសម្រួលដោយ កញ្ញា សូផាត