ការគេងមិនលក់ជាផលវិបាកមួយដែលធ្វើអោយយើងស្វែងរកគន្លឹះធ្វើឲ្យគេងលក់ពី Google ដល់យប់ជ្រៅ។ នៅពេលយើងកំពុងស្វែងរក នោះយើងអាចនឹងជួបគន្លឹះដែលមិនធ្លាប់ឮពីមុនមក គឺការផឹកទឹកសាឡាត់។ វាជាគន្លឹះដែលអ្នកលេង Tik Tok គណនីឈ្មោះ Shapla_11 បានសរសេរចំណងជើងថា "ប្រសិនបើអ្នកមិនអាចគេងលក់ សូមសាកល្បងវា​"។

នៅក្នុងវីដេអូដែលមានអ្នកចូលចិត្ត ១.៤លាននាក់​ Shapla_11 បានពន្យល់ថា នាងឮថាការទទួលទានទឹកសាឡាត់អាចជួយអោយអ្នកបាត់អារម្មណ៍នឿយហត់។ នាងបាននិយាយថា "បងស្រីគេងមិនលក់ទេ អីចឹងបងសាកល្បងវិធីនេះមើលសិន!" ។ បន្ទាប់មក Shapla_11 បានសាកល្បងធ្វើទឹកសាឡាត់របស់នាង ដោយនាងយកស្លឹកសាឡាត់ប្រហែល៤សន្លឹក រួចយកវាដាក់ក្នុងកែវកាហ្វេហើយចាក់ទឹក​ក្តៅពីលើ។

នាងបានបន្ថែមកញ្ចប់តែរសជាតិជីអង្កាម(peppermint tea)ចូល "ខ្ញុំខ្លាចវាមានរសជាតិពិបាកលេបដូច Sh*t " ។ ​​​​Shapla_11 បានប្រាប់បន្ថែមថាកញ្ចប់តែនោះ មិនធ្វើអោយនាងងងុយដេកទេ ដូច្នេះវាមិនប៉ះពាល់អ្វីទេ។

បន្ទាប់មកនាងដកសាឡាត់ដែលឆុងទឹកក្តៅនោះចេញហើយយកមកក្រេបបន្តិច។ នាងបាននិយាយថា "រសជាតិដូចជាគ្មានអ្វីសោះ" ។ ក្រោយមក Shapla_11 បានប្រាប់ពីលទ្ធផលថានាងមានអារម្មណ៍ថា "ដូចជាងងុយដែរ តែមិនងងុយខ្លាំងដូចសន្លប់ទេ គ្រាន់តែមានអារម្មណ៍ថាងងុយគេងមែន" ។

ហើយបន្ទាប់មកនាងបានសរសេរបន្ថែមថា "ទឹកសាឡាត់មានមានប្រសិទ្ធភាពមែនហើយ ពីព្រោះនាងគេងលក់ហើយ" ។

បន្ទាប់ពីវីដេអូបានបង្ហោះនាងបានតាមដាននៅក្នុង comments ថាតែជីអង្កាមហ្នឹង "វាធ្វើអោយអ្នកមានអារម្មណ៍ថានៅស្វាងទៅវិញទេ អីចឹងយកល្អដាក់តែchamomileវិញ ឬមិនបាច់ដាក់" ។

មនុស្សជាច្រើនមានចំណាប់អារម្មណ៍ទៅលើទឹកសាឡាត់របស់នាងណាស់ ហើយមានមនុស្សម្នាក់បានសរសេរថា "ម៉ាក់ខ្ញុំធ្លាប់យកសាឡាត់ឆុងជាមួយទឹកក្តៅនិងទុករយៈពេល៥នាទីហើយឲ្យខ្ញុំផឹក វាមានប្រសិទ្ធភាពមែនហើយធម្មជាតិទៀត" ។ អ្នកតាមដានផ្សេងទៀតបានបន្ថែមថា "មានប្រសិទ្ធភាពហើយវាមានតម្លៃថោកជាងអាហារជំនួយឲ្យគេងទៀត" ។

អ្នកលេងTik Tokផ្សេងក៏បានបន្ថែមថា ពួកគេនឹងសាកមើលដើម្បីឲ្យពួកគេងាយគេងលក់ដែរ។ មនុស្សម្នាក់ផ្សេងទៀតបាននិយាយថា "ខ្ញុំមានជំងឺគេងមិនលក់ធ្ងន់ធ្ងរ ដូច្នេះខ្ញុំនឹងសាកល្បងវាភ្លាម" ។

Shapla_11 មិនមែនជាមនុស្សតែម្នាក់ដែលនិយាយពីគុណសម្បត្តិនៃទឹកសាឡាត់ដើម្បីអោយគេងលក់នោះទេ គណនីTik Tokker@neliebean ​ក៏បានសរសេរថា "ខ្ញុំបានលឺថា ប្រសិនបើអ្នកប្រើប្រេងសាឡាត់ ហើយផឹកវាដូចតែ អ្នកនឹងសន្លប់" ។ (ក្រោយមកពួកគេបានបន្ថែមថា  "បញ្ជាក់ថាវាមានប្រសិទ្ឋិភាពដូចសន្លប់មែន" នៅក្នុង comments )។

@thatnickguy បាននិយាយថា "លទ្ធផលចេញហើយ គេងលក់ទល់ភ្លឺ" ហើយបន្ទាប់មកគាត់បាននិយាយថា "លក់ដូចសន្លប់ ឡើងភ្លេចបញ្ចប់វីដេអូនេះ។"

ដោយសារនេះគឺជាដំបូន្មានរបស់​អ្នកលេង​​​ Tik Tok​​ប៉ុណ្ណោះ តែវាគួរឲ្យពិចារណាដែរទេ ដែលការទទួលទានទឹកសាឡាត់ធ្វើឲ្យងងុយគេង? ហើយវាត្រឹមត្រូវឬអត់ហ្ន៎?

ត្រូវ ឬមិនត្រូវ លោក Christopher វេជ្ជសាស្រ្ត ​​​Charlottesville និងជាអ្នកនិពន្ធសៀវភៅ"ដំណោះស្រាយនៃដំណេក" ហេតុអ្វីបានជាអ្នកគេងមិនលក់ និងវិធីដោះស្រាយ, វានិយាយអំពីសុខភាព នេះគឺជាអ្វីដែលអ្នកត្រូវធ្វើ។

តើសាឡាត់មានសារធាតុអ្វីដែលអាចជួយអោយអ្នកគេងលក់?

​សាឡាត់មានផ្ទុកនូវជាតិ lactucarium ដែលអាចធ្វើអោយអ្នកងងុយគេង។ លោកវេជ្ជបណ្ឌិត Winter និយាយថា "វាមានលំនាំប្រហាក់ប្រហែលនឹងអាភៀន និងមានសារធាតុសណ្តំ" ។

វេជ្ជបណ្ឌិត Winter បានបន្ថែមថា "ដូចដែលយើងបានដឺងហើយថា lactucarium ដែលមាននៅក្នុងសាឡាត់ "វាជាសារធាតុដូចទឹកដោះគោអីចឹង” ។ លោកបានបន្ថែមថា "បើយើងយកសាឡាត់ទាំងមូលមកដាំទឹកអោយពុះ យើងអាចបង្កើតសារធាតុគីមីមួយបាន" ។

តើទឹកសាឡាត់អាចជួយអោយអ្នកគេងលក់បានមែនទេ?

ប្រហែលដែរ? ខណៈពេលដែលសាឡាត់មានផ្ទុកជាតិ lactucarium ហើយដែលអាចធ្វើអោយអ្នកងងុយដេក, លោកវេជ្ជបណ្ឌិត Winter និយាយថា "វាអាចនឹងអស្ចារ្យដែរ ដែលសន្លឹកសាឡាត់ផ្តល់អត្ថប្រយោជន៍បាន ត្រឹមបរិមាណ lactucarium មានក្នុងសាឡាតតែ៤ទៅ៥សន្លឹកប៉ុណ្នោះមិនបាច់ធ្វើអីច្រើនទេ" ។ គាត់បានបន្ថែមថាគ្រាន់តែជាតិទឹកដែលមានក្នុងសាឡាត់ស្រាប់នឹងក៏អាចជួយធ្វើអោយអ្នកងងុយគេងទៅហើយ។"

ប្រសិនចូលចិត្តបែបជាតែក្តៅៗដើម្បីជួយដល់ការគេង វេជ្ជបណ្ឌិត Winter ណែនាំអោយប្រើតែដែលមាន chamomile និង/ឬ valerian "ទទួលទានតែមួយកែវមុនពេលចូលគេង ជាសញ្ញាប្រាប់ដល់រាងកាយរបស់អ្នកថា ដល់ពេលដែលត្រូវគេងហើយ។ របៀបទាំងអស់នេះអាចជួយបាន។

ហើយបើលោកអ្នកចង់សាកល្បងទឹកសាឡាត់វិញនោះក៏វាមិនមានផលប៉ះពាល់អ្វីដែរ គាត់ប្រាប់ថា "គ្មានអ្វីគ្រោះថ្នាក់ដែលគ្រាន់តែយកសាឡាត់ឆុងជាតែនោះ។"

P.S : សាកទាំងអស់គ្នាទេ :D adminចង់សាកដែរ!

អត្ថបទដកស្រង់ពី Korin Miller

បកប្រែ និងកែសម្រួលដោយ កញ្ញា លីមួយ