ភ្នំពេញ៖លោកបណ្ឌិត អ៊ិត សំហេង រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវ:បានបញ្ជាក់ដល់អោយដឹងនាថ្ងៃទី២៤ ខែសីហា ឆ្នាំ២០២១ ថា÷

លោកបានដឹកនាំពិនិត្យ កែសម្រួលសេចក្តីព្រាង និងសេចក្តីណែនាំស្តីពីការពង្រឹងចលនាកម្មករ-កម្មការិនី ដែលជានិយោជិត នៅតាមរោងចក្រ សហគ្រាស ក្នុងគោលបំណង រៀបចំជាឯកសារបង្ហាញផ្លូវបន្ថែមទៀត ដល់ការអនុវត្តការងារឱ្យកាន់តែមានប្រសិទ្ធភាពខ្ពស់ថែមទៀត។

ដោយយើងទៅតាមគោលនយោបាយរបស់រាជរដ្ឋាភិបាលដែលតែងតែបានផ្តោតការយកចិត្តទុកដាក់ខ្ពស់ចំពោះ ស្ថិរភាព សន្តិសុខការងារ និងប្រាក់ចំណូល  របស់បងប្អូនកម្មករ-កម្មការរិនី ដែលជានិយោជិត និងពលករខ្មែរនៅក្រៅប្រទេស  ជាពិសេសការបន្តអនុវត្តអនុសាសន៍គន្លឹះទាំង១០ របស់ សម្តេចតេជោនាយករដ្ឋមន្រ្តី ឱ្យកាន់តែមាន ប្រសិទ្ធភាពខ្ពស់ សំដៅធ្វើឱ្យកាន់តែប្រសើរឡើងនូវលក្ខខណ្ឌការងារ ភាពសុខដុមរមនាក្នុងទំនាក់ទំនងវិជ្ជាជីវៈ ការការពារសិទ្ធិការងារ និងការគំាពារសង្គម ស្របតាមបាវចនា “រោងចក្រ សហគ្រាសមួយ ជាសហគមន៍សុខសាន្តមួយ”៕

អត្ថបទនិងរូបភាពដោយកណ្តាប់ដៃដែក