ប្រទេសថៃ÷ នៅក្នុងខែសីហានេះ ក្រុមអ្នកតវ៉ានៅប្រទេសថៃ ដោយអោយឈ្មោះខ្លួនឯងថា ក្រុម "ថ:ឡុហ្វា" ដែលបកជាភាសាខ្មែរថាក្រុមទម្លុះមេឃ បានធ្វើការមិនតិចជា ១០ដង នៅក្នុងខែសីហា។

ក្រុមអ្នកតវ៉ាដែលមានឈ្មោះខាងលើ បានធ្វើការប្រឆាំងតវ៉ា ជាមួយរដ្ឋាភិបាលលោកអស់រយ:ពេលមិនតិចជាង៥០០ថ្ងៃមកហើយ ដែលក្រុមនេះធ្វើការប្រឆាំងជាមួយរដ្ឋាភិបាលថៃ ដោយទាមទារ ៣ចំណុចសំខាន់ៗរួមមាន÷
១-អោយលោកប្រាយុទ្ធ ចាន់អូឆា ចុះចេញពីតំណែង
២-ឈប់ជិះជាន់ប្រជាពលរដ្ឋថៃ នុងព្រាងរដ្ឋធម្មនុញ្ញថ្មីតាមលិទ្ធប្រជាធិបតេយ្យ
៣-កំណែទម្រង់ស្ថាប័នព្រះមហាក្សត្រថៃ។

តែការតវ៉ារបស់ក្រុមនេះ ចំណាយពេលប្រមាណជាង ៥០០ថ្ងៃមកហើយតែ ហាក់បីដូចជាគ្មានប្រសិទ្ធភាពសោះ។ ហើយនៅក្នុងខែសីហា ចាប់តាំងពីថ្ងៃទី៣ រហូតមកដល់ថ្ងៃទី២១ សីហានេះ ក្រុមអ្នកតវ៉ា បានតវ៉ាចំនួន ១១លើក ដោយមួយលើកៗ មានការប៉ះទង្គិចគ្នា ចន្លោះពី ២ទៅ ៥ម៉ោង និងប៉ះទង្គិចគ្នា ជាមួយសមត្ថកិច្ចថៃជាច្រើនករណីទៀត ដូចជាក្រុមអ្នកតវ៉ា បានដុតរថយន្តរបស់សមត្ថកិច្ច មិនតិចជាង ១០គ្រឿង និងដុតប៉ុស្តិ៍យាមបប៉ូលិសមិនតិចជាង ១០កន្លែងផងដែរ ហើយថែមទាំងបណ្តាលអោយសមត្ថកិច្ចរបួសជាច្រើននាក់ទៀតផង ចំណែកឯក្រុមអ្នកតវ៉ាវិញរងនូវការចោទប្រកាន់ពីរយ:សមត្ថកិច្ច មិនតិចជាង ៥០០ករណី និងរងនូវការចាប់ខ្លួនរាបសិបនាក់ទៀតផង ក្នុងការចាប់ខ្លួននោះក៏មានការចាប់ខ្លួនមេដឹកនាំរបស់ក្រុមអ្នកតវ៉ាចំនួន ៨នាក់ផងដែរ។

ទោះបីជាក្រុមអ្នកតវ៉ាព្យាយាមក្នុងការតវ៉ាយ៉ាងណាក៏ដោយ ក៏មិនអាចបណ្តេញលោកប្រាយុទ្ធ ចាន់អូឆានាយករដ្ឋមន្រ្តី និងជារដ្ឋមន្រ្តីក្រសួងការពារថៃ អោយចុះចេញពីតំណែងបានដែរ មានតែការបង្ក្រាបត្តឡប់ទៅលើក្រុមអ្នកតវ៉ាវិញ ដូចជាការបាញ់ទឹកសម្ពាធខ្លាំង ឧស្ម័នទឹកភ្នែក និងគ្រាប់កាំភ្លើងជ័រជាដើម។

គ្រប់ពេលដែលមានការតវ៉ានៅក្រុងទីក្រុងបាងកកតែងតែ មានការបង្ក្រាបទៅលើក្រុមអ្នកតវ៉ាដូចជាបានជម្រាបជូនខាងលើជានិច្ច។
សូមបញ្ជាក់ផងដែរថា អស់រយ:ពេលជាង១០ឆ្នាំមកហើយ ដែលជនជាតិថៃ និងសកលលោកខានឃើញ ទិដ្ឋភាពដែលឆេះនៅក្នុងក្រុងបាងកក ដោយសារក្រុមអ្នកតវ៉ា ដែលកាលនោះឆេះដោយសារក្រុមអាវក្រហម ធ្វើការប្រឆាំងបណ្តេញរដ្ឋាភិបាលលោក អាភិសិទ្ធ វេឆាឈីវ៉ាក់ តែថ្ងៃនេះទិដ្ឋភាពនេះបានកើតឡើងសារជាថ្មីម្តងទៀតនៅសម័យរដ្ឋាភិបាល លោកប្រាយុទ្ធ ចាន់អូឆា។ តើក្រុមអ្នកតវ៉ាអាចបណ្តេញលោកប្រាយុទ្ធ ចាន់អូឆា អោយចេញពីតំណែងបានឬទេ?

ខណ:ដែលក្រុមអ្នកតវ៉ាបានប្រកាស់ថា នឹងបណ្តេញលោកប្រាយុទ្ធ ចាន់អូឆា អោយចុះចេញពីតំណែងអោយខាងតែបាន ទោះបីជាក្រុមអ្នកតវ៉ា តវ៉ាដោយគ្មានមេដឹកនាំក៏ដោយ។
សូមបញ្ជាក់ថា ទាក់ទនទៅរឿងនេះ ក្រុមការងារ BeeTube News នឹងធ្វើបច្ចុប្បន្នភាពបន្តបន្ទាប់ទៀត៕

អត្ថបទ និងរូបភាពដោយ កណ្តាប់ដៃដែក