នៅថ្ងៃទី26 ខែមេសា ឆ្នាំ 2023 សារព័ត៌មាន Associated Press បានរាយការណ៍ថា មន្ត្រីយោធាអាមេរិកចំនួន២នាក់ដែលមិនបានបញ្ចេញឈ្មោះបានលាតត្រដាងថាអ៊ុយក្រែនបានទុកចោលរថក្រោះ Abrams M11 មួយឡែកជាបណ្ដោះអាសន្នដោយសារតែភាពងាយរងគ្រោះរបស់ពួកវាចំពោះការងាយរកឃើញនិងវាយប្រហារពីសំណាក់ដ្រូនរបស់រុស្ស៊ី។ រថក្រោះ Abrams ជាមួយនឹងម៉ាស៊ីនទួរប៊ីនហ្គាសឥន្ធនៈរបស់ពួកវា បានបង្ហាញឱ្យឃើញពីលក្ខណៈដែលវាធ្វើអោយអាចងាយស្រួលរកឃើញបាននៅលើសមរភូមិ និងងាយរងគ្រោះពីការវាយប្រហារដោយដ្រូន និងកាំភ្លើងធំរុស្ស៊ី។ ដូច្នេះហើយ ទើបធ្វើអោយវាជាបញ្ហាប្រឈមសម្រាប់កងកម្លាំងអ៊ុយក្រែនក្នុងការប្រើប្រាស់រថក្រោះដែលមានទំងន់ 67 តោនរបស់ Abram នេះ ដោយមិនត្រូវធ្វើអោយវាអាចរកឃើញនិងកំណត់គោលដៅលើបាន។
កាលៈទេសៈនេះបានបង្ខំអោយអ៊ុយក្រែនផ្អាកសកម្មភាពប្រើប្រាស់រថក្រោះទាំងនេះជាបណ្តោះអាសន្នខណៈពេលដែលទីប្រឹក្សាអាមេរិកបានធ្វើការជាមួយកងកម្លាំងអ៊ុយក្រែនហើយ និងធ្វើការវាយតម្លៃឡើងវិញពីយុទ្ធសាស្ត្រនិងដើម្បីអាចដាក់ប្រើប្រាស់រថក្រោះទាំងនេះប្រកបដោយប្រសិទ្ធភាពបន្ថែមទៀត។ នៅក្នុងរយៈពេលពីរខែដំបូងនៃការបំរើសេវាកម្មរបស់ពួកវានៅអ៊ុយក្រែន មានប្រហែលជាប្រាំគ្រឿងនៃរថក្រោះនេះ ក្នុងចំណោមរថក្រោះនេះទាំង31គ្រឿងនៅអ៊ុយក្រែនដែលត្រូវបានផ្តល់ឱ្យដោយសហរដ្ឋអាមេរិក ត្រូវបានបំផ្លាញជាចម្បងដោយសារតែការវាយប្រហាររបស់រុស្ស៊ីដែលពាក់ព័ន្ធនឹងដ្រូនទាំងនេះ។ ដើម្បីឆ្លើយតបទៅនឹងបញ្ហាប្រឈមនានាដែលបង្កឡើងដោយដ្រូនរបស់រុស្ស៊ី សហរដ្ឋអាមេរិកបានផ្លាស់ប្តូរជំនួយយោធារបស់ខ្លួនដល់អ៊ុយក្រែន។
ការផ្តោតសំខាន់ឥឡូវនេះគឺនៅលើសមត្ថភាពប្រព័ន្ធការពារអាកាសប្រឆាំងដ្រូនច្រើនជាង និងលើការពង្រឹងជំរើសយានជំនិះដើម្បីអោយកាន់តែសាកសមសម្រាប់សមរភូមិនាសម័យទំនើបនេះ។ ជំនួយនេះរួមបញ្ចូលទាំងការផ្តល់គ្រាប់កាំភ្លើងទាំង 50 គ្រាប់ដែលបានរចនាយ៉ាងពិសេសដើម្បីប្រឆាំងប្រព័ន្ធដ្រូនផងដែរ។ សហរដ្ឋអាមេរិកក៏បានកំពុងផ្គត់ផ្គង់បន្ថែមទៀតនូវប្រព័ន្ធការពារដែនអាកាសដើម្បីជួយការពារកងកម្លាំងអ៊ុយក្រែនពីការគំរាមកំហែងលើអាកាស។ ទន្ទឹមនឹងទាំងនេះផងដែរ ក៏មានភាពចម្រុះគ្នាជាច្រើនទៀតនៃយានជំនិះដែលមានតម្លៃសមរម្យ និងងាយអាចបត់បែននៅលើសមរភូមិក៏កំពុងត្រូវបានផ្តល់ជូនដល់អ៊ុយក្រែនផងដែរ។
យានជំនិះទាំងនេះរួមមាន Humvees ដែលមានលក្ខណៈងាយប្រើប្រាស់សំរបបានគ្រប់កាលៈទេសៈ និងមានភាពធន់។ រថក្រោះថ្មើរជើង Bradley ដែលផ្តល់ទាំងកម្លាំងភ្លើងនិងការការពារសម្រាប់កងទ័ព និងរថក្រោះការពារប្រឆាំងមីន ដែលត្រូវបានរចនាឡើងដើម្បីទប់ទល់នឹងការវាយប្រហារដោយគ្រឿងផ្ទុះ និងបង្កើនសុវត្ថិភាពដល់អ្នកប្រើប្រាស់របស់ពួកវា។ សហរដ្ឋអាមេរិកក៏បានបញ្ជាក់ពីការផ្តល់នូវមីស៊ីលផ្លោងរយៈចម្ងាយឆ្ងាយ ដែលគេស្គាល់ថាជាមីស៊ីល atacms ផងដែរ។ មីស៊ីលទាំងនេះអនុញ្ញាតឱ្យអ៊ុយក្រែនវាយចូលកាន់តែជ្រៅទៅកាន់ទឹកដីរបស់រុស្ស៊ី។ សមត្ថភាពនេះអនុញ្ញាតអោយកងកម្លាំងអ៊ុយក្រែនកំណត់ទីតាំងសំខាន់ៗ ដោយមិនចាំបាច់បង្ហាញខ្លួនឯងទៅនឹងការអាចរកឃើញរបស់ដ្រូន រឺប្រព័ន្ធការពារដ៏តឹងតែងរបស់រុស្ស៊ី។
ទោះបីជាមានការថយក្រោយបណ្តោះអាសន្នក៏ដោយ។ ថ្វីបើមានបញ្ហានៃការបាត់បង់រថក្រោះ Abrams ក៏ដោយ អ៊ុយក្រែននៅតែរក្សាភាពអត់ធន់។ ប្រទេសនៅតែបន្តសម្របយុទ្ធសាស្ត្ររបស់ខ្លួនក្នុងការឆ្លើយតបទៅនឹងសមរភូមិដែលកំពុងវិវត្ត។ កងកម្លាំងអ៊ុយក្រែនដឹងច្បាស់ថារុស្ស៊ីបានបន្តកសាងឡើងវិញរឺធ្វើទំនើបកម្មកងកម្លាំងពាសដែករបស់ខ្លួនជារឿយៗ។ ដំណើរការកសាងឡើងវិញនេះបានកើតឡើងក្នុងអត្រាមួយខ្ពស់ ដោយចាប់តាំងពីខែមករា ឆ្នាំ2023មក។ ជាលទ្ធផល ដូច្នេះធ្វើអោយអ៊ុយក្រែនចាំបាច់ផ្តោតលើការរួមបញ្ចូលយុទ្ធសាស្ត្រ និងបច្ចេកវិទ្យាថ្មីដើម្បីទប់ទល់នឹងការរីកចំរើនទាំងនេះ និងដើម្បីរក្សាសមត្ថភាពការពារ និងការវាយលុករបស់ខ្លួន។
