ថ្លែងក្នុងពិធីបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់កុមារអាយុចាប់ពី ៦ឆ្នាំ ដល់ ១២ឆ្នាំ ដែលធ្វើឡើងនៅវិមានសន្តិភាព សម្តេចតេជោបានថ្លែងថាការចាក់ដូសទី៤ឫអត់គឺត្រូវចាំមើលស្ថានភាពនៃជំងឺខូវិដ-១៩ ប្រសិទ្ធិភាពវ៉ាក់សាំងនិងការណែនាំពីអង្គការសុខភាពពិភពលោក។
សម្តេចតេជោបញ្ជាក់ថា ប្រទេសមួយចំនួនបានចាក់ដូសទី៤រួចហើយ ហើយកម្ពុជាកំពុងតាមដានលើបញ្ហានេះ។
គួរបញ្ចាក់ថាជាមួយនឹងការប្រកាសបើកយុទ្ធនាការចាក់វ៉ាក់សាំងជូនកុមារអាយុចន្លោះពី ៦ឆ្នាំ ទៅ១២ឆ្នាំនេះ ចៅៗរបស់សម្តេចតេជោ និងចៅៗរបស់ឥស្សរជនជាន់ខ្ពស់ រាជរដ្ឋាភិបាលកម្ពុជាមួយចំនួនទៀត នឹងត្រូវមកទទួលវ៉ាក់សាំងបើកយុទ្ធនាការនេះផងដែរ។ ការចាក់វ៉ាក់សាំងជូនដល់កុមារអាយុចន្លោះពី ៦ឆ្នាំ ទៅ ១២ឆ្នាំនេះ គឺដើម្បីបង្កើតភាពសាំក្នុងសង្គមឱ្យកាន់តែធំដែលអាចឈានទៅបើកលំហរសកម្មភាពក្នុងសង្គម ឱ្យកាន់តែទូលាយ ដើម្បីឱ្យកុមារតូចៗអាចចូលរៀននៅសាលាឡើងវិញផងដែរ ។
