ចិនដាក់ទណ្ឌកម្មរោងចក្រផលិតកាំជ្រួចមីស៊ីល "Raytheon" របស់អាមេរិក និងរារាំងវត្ថុធាតុដើមដែលចាំបាច់សម្រាប់ផលិតកាំជ្រួចមីស៊ីល Patriot សម្រាប់អ៊ុយក្រែន។ Gallium និង germanium ស្ថិតក្នុងចំណោមធាតុដ៏កម្រដែលគ្រប់គ្រងដោយប្រទេសចិន។ Gallium គឺជាSiliconនៃអនាគតដែលប្រើប្រាស់នៅក្នុង semiconductors និងការផលិតរ៉ាដា និងមីស៊ីល Patriot! ប្រទេសចិនចាប់ផ្តើមវាយលុករោងចក្រយោធាអាមេរិក និងបង្កើនភាពតានតឹងជាមួយសហរដ្ឋអាមេរិករួមជាមួយនឹងការពង្រឹងកិច្ចសហប្រតិបត្តិការយោធារវាងរុស្ស៊ី និងចិន។ ម្យ៉ាងវិញទៀត លោក Yevgeny Prigozhin មេដឹកនាំ Wagner ត្រឡប់មកវិញជាមួយនឹងសេចក្តីថ្លែងការណ៍ដ៏គ្រោះថ្នាក់អំពីការបន្តនៃសង្រ្គាម និងជ័យជម្នះនៅអ៊ុយក្រែន! ដែលធ្វើឱ្យណាតូមានការភ័ន្តច្រឡំយ៉ាងខ្លាំង!

1. ប្រទេសចិនវាយប្រហាររោងចក្រមីស៊ីល Patriot ដោយរារាំងធាតុ Gallium ប្រើផលិតប្រព័ន្ធការពារអ៊ុយក្រែន

យោងតាមសារព័ត៌មាន The Wall Street Journal ចុះផ្សាយថ្ងៃទី៣ ខែកក្កដា​​​បានអោយដឹងថា ប្រទេសចិនបាននិយាយថា ខ្លួនកំពុងដាក់កម្រិតលើការនាំចេញផលិតផល និងសម្ភារៈដែលមានផ្ទុកលោហធាតុGalliumនិងGermaniumដែលមានសារៈសំខាន់នៅក្នុងSemiconductor ស្ថានីយ៍មូលដ្ឋាន 5G និងបន្ទះស្រូបពន្លឺព្រះអាទិត្យ ដែលជាសកម្មភាពមួយដែលនាយកប្រតិបត្តិឧស្សាហកម្មមើលឃើញថាជាការសងសឹកចំពោះការរឹតបន្តឹងដោយសហរដ្ឋអាមេរិកនិងក្រុមហ៊ុនដទៃទៀតលើការលក់ផលិតផលលំដាប់ខ្ពស់នៃបន្ទះឈីប និងឧបករណ៍ផលិតបន្ទះឈីបទៅកាន់ប្រទេសចិន។

ប្រទេសចិននិងសហរដ្ឋអាមេរិកត្រូវបានជាប់គាំងនៅក្នុងការប្រកួតប្រជែងលើការត្រួតត្រាផ្នែកបច្ចេកវិទ្យានៅក្នុងវិស័យដូចជា បញ្ញាសិប្បនិម្មិត កុំព្យូទ័រកង់ទិច និងបច្ចេកវិទ្យាថាមពលស្អាត។

សហរដ្ឋអាមេរិកនិយាយថាវិធានការរបស់ខ្លួនប្រឆាំងនឹងក្រុមហ៊ុនផលិតបន្ទះឈីបរបស់ចិនគឺមានបំណងរារាំងប្រទេសចិនពីការអភិវឌ្ឍន៍បច្ចេកវិទ្យាដែលអាចផ្តល់ឱ្យវានូវផ្នែកមួយនៅក្នុងវិស័យការពារជាតិឬផ្នែកផ្សេងទៀតដែលទីក្រុងវ៉ាស៊ីនតោនចាត់ទុកថាមានសារៈសំខាន់ចំពោះសន្តិសុខជាតិហើយទីក្រុងវ៉ាស៊ីនតោនបានលើកទឹកចិត្តសម្ព័ន្ធមិត្តរបស់ខ្លួនឱ្យចាត់វិធានការស្រដៀងគ្នានេះ។

ទីក្រុងប៉េកាំងបាននិយាយថាវិធានការនេះគឺសំដៅទប់ស្កាត់ការកើនឡើងសេដ្ឋកិច្ចរបស់ប្រទេសចិន។ប្រទេសចិនបានឆ្លើយតបដោយការចុះបញ្ជីខ្មៅក្រុមហ៊ុនការពារជាតិអាមេរិកចំនួនពីរគឺ Lockheed Martin និងក្រុមហ៊ុន Raytheon Technologies និងរារាំងក្រុមហ៊ុនហេដ្ឋារចនាសម្ព័ន្ធព័ត៌មានសំខាន់ៗពីការប្រើប្រាស់ផលិតផលពីក្រុមហ៊ុនផលិត Semiconductor អាមេរិក Micron Technology ។

សេចក្តីថ្លែងការណ៍សង្ខេបពីក្រសួងពាណិជ្ជកម្មរបស់ប្រទេសចិនកាលពីថ្ងៃចន្ទបាននិយាយថា ច្បាប់នេះនឹងចូលជាធរមាននៅថ្ងៃទី 1 ខែសីហា ដើម្បី "ការពារសន្តិសុខជាតិ និងផលប្រយោជន៍"។ យោងតាមសេចក្តីថ្លែងការណ៍បានឱ្យដឹងថា អ្នកនាំចេញលោហៈទាំងពីរនឹងត្រូវស្នើសុំអាជ្ញាប័ណ្ណ និងរាយការណ៍ព័ត៌មានលម្អិតរបស់អ្នកទិញនៅក្រៅប្រទេសទៅកាន់ក្រសួង ប្រសិនបើពួកគេចង់ដឹកជញ្ជូនពួកវាចេញពីប្រទេស។

2. រដ្ឋមន្រ្តីការពារជាតិចិនចង់ពង្រីកកិច្ចសហប្រតិបត្តិការជាមួយរុស្ស៊ី

យោងតាមសារព័ត៌មាន Reuters ចុះផ្សាយថ្ងៃទី៣ ខែកក្កដាបានអោយដឹងថា រដ្ឋមន្ត្រីការពារជាតិចិន លោក Li Shangfu បាននិយាយក្នុងអំឡុងកិច្ចពិភាក្សាជាមួយប្រមុខកងទ័ពជើងទឹករុស្ស៊ីលោក Nikolay Evmenov ក្នុងទីក្រុងប៉េកាំងកាលពីថ្ងៃចន្ទថា ប្រទេសចិន និងរុស្ស៊ីគួរតែធ្វើសមយុទ្ធរួមគ្នាបន្ថែមទៀត ហើយបន្តធ្វើការរួមគ្នានៅក្នុងតំបន់ផ្សេងទៀត ដើម្បីជំរុញកិច្ចសហប្រតិបត្តិការយោធារបស់ពួកគេដល់កម្រិតថ្មីមួយ។

លោក Li បានប្រាប់លោក Evmenov ថាការផ្លាស់ប្តូរ និងកិច្ចសហប្រតិបត្តិការរវាងកងកម្លាំងប្រដាប់អាវុធនៃប្រទេសទាំងពីរបាននឹងកំពុង"អភិវឌ្ឍជាលំដាប់" ប៉ុន្តែមានកន្លែងសម្រាប់ការកែលម្អបន្ថែមទៀត នេះបើយោងតាមក្រសួងការពារជាតិចិន។

តាមរយៈការងាររួមគ្នា “ទំនាក់ទំនងរវាងកងកម្លាំងប្រដាប់អាវុធទាំងពីរនឹងបន្តកាន់តែស៊ីជម្រៅ និងរឹងមាំ រីកចម្រើនឥតឈប់ឈរនិងឈានទៅកម្រិតថ្មីមួយ” លោកបានគូសបញ្ជាក់និងបន្ថែមដោយក្តីសង្ឃឹមថា វានឹងអាចជួយពង្រឹងទំនាក់ទំនងនៅគ្រប់កម្រិត និងការរៀបចំសមយុទ្ធរួមជាប្រចាំនេះនឹងអាចជួយពង្រីកកិច្ចសហប្រតិបត្តិការជាក់ស្តែងក្នុងវិស័យវិជ្ជាជីវៈ”។

លោក Li បានសង្កត់ធ្ងន់ថា កិច្ចសហប្រតិបត្តិការនេះនឹងអនុញ្ញាតឱ្យពួកគេ “រួមចំណែកជាវិជ្ជមានក្នុងការរក្សាសន្តិភាព និងស្ថិរភាពក្នុងតំបន់ និងពិភពលោក”។

3. ប្រធាន Wagner ត្រឡប់មកវិញជាមួយនឹងការថ្លែងដ៏គ្រោះថ្នាក់ពីការបន្តសង្រ្គាម និងជ័យជម្នះនៅអ៊ុយក្រែន

យោងតាមសារព័័ត៌មាន The Washington Post ចុះផ្សាយថ្ងៃទី៣​​​ ខែកក្កដាបានអោយដឹងថា ស្ថាបនិកនៃក្រុមទាហានស៊ីឈ្នួល Wagner លោក Yevgeniy Prigozhin បានចែករំលែកសារជាសំឡេងកាលពីថ្ងៃច័ន្ទដែលជាលើកទីមួយរបស់លោកចាប់តាំងពីការរំសាយចោលការបះបោររបស់លោកដែលកំណត់គោលដៅទៅលើមេដឹកនាំកំពូលនៅក្រសួងការពារជាតិរុស្ស៊ី។ នៅក្នុងការថតសំឡេងដែលត្រូវបានផ្សព្វផ្សាយនៅលើឆាណែល Telegram ដែលមានទំនាក់ទំនងយ៉ាងជិតស្និទ្ធជាមួយនឹងក្រុម Wagner លោក Prigozhin បាននិយាយថាអ្នកប្រយុទ្ធរបស់លោកនឹងឈ្នះ "ជ័យជម្នះបន្ទាប់" នៅក្នុងសង្គ្រាមនៅអ៊ុយក្រែន។ លោកក៏បានវាយតម្លៃការហែក្បួនរបស់លោកនៅលើទីក្រុងម៉ូស្គូថាទទួលបានជោគជ័យ។

លោក Prigozhin បាននិយាយថា“ក្បួនហែនៃយុត្តិធម៌” របស់យើងមានគោលបំណងប្រយុទ្ធប្រឆាំងនឹងជនក្បត់ជាតិ និងប្រមូលផ្តុំសង្គមរបស់យើង”។ "ខ្ញុំ​គិត​ថា​យើង​ទទួល​បាន​ជោគជ័យ​ច្រើន​ក្នុង​កិច្ចការ​នេះ"។ លោក​មិន​បាន​បញ្ជាក់​ថា​លោកកំពុង​នៅ​ត្រង់ចំនុចណា​ឥឡូវ​នេះទេ ឬ​ពិភាក្សា​ពី​គម្រោង​របស់ក្រុម Wagner ទេ។ វាមិនអាចដឹងច្បាស់ភ្លាមៗនោះទេ ថានៅពេលណាដែលសារចុងក្រោយរបស់លោក Prigozhin នេះត្រូវបានថតរក្សាទុក។ ដោយបណ្តាញផ្សេងទៀតដែលភ្ជាប់ទៅក្រុម Wagner និងលោក Prigozhin នេះមិនបានចេញផ្សាយសារនោះទេ។