Amber Head បន្ទោសកំហុសគ្រប់គ្រប់ដោយសារសត្វឆ្កែរបស់នាងបានជាន់សព្វឃ្មុំមួយក្បាល ចំណែកឯ លោកអ៊ុំកម្សត់និងគួរអោយអាណិត Mr. Bean នេះវិញ ត្រូវបានសត្វឃ្មុំកំហូចមួយក្បាលបំផ្លិចបំផ្លាញឆាកជីវិតទាំងស្រុងរហូតដល់ចូលតុលាការ។

កាលពីថ្ងៃទី២៦​ ខែឧសភា ឆ្នាំ​២០២២ Netflix បានចេញ Trailer ផ្លូវការនៃភាពយន្តថ្មីមួយបែបកំប្លែង​ ដែលសម្តែងដោយតារា កំប្លែងជើងចាស់ដែលមានកិត្តិនាមល្បីល្បាញនៅទូទាំងពិភពលោក ហើយមានមនុស្សតិចបំផុតដែលថាមិនស្គាល់លោកនោះ គឺ Mr. Bean។ បើទោះបីជាគាត់មានវ័យចំណាស់ខ្លាំងបន្តិចមែន តែទេពកោសល្យនៃការសម្តែងរបស់គាត់នៅតែខ្លាំង ហើយនៅតែអាចធ្វើឲ្យហ្វែនៗរបស់លោក សើចសប្បាយ រីករាយ និងទប់សំណើចមិនជាប់នៅរាល់ពេលមើលភាពយន្តរបស់លោកម្តងៗ។ ឥឡូវនេះ នៅក្នុងភាពយន្តរឿង Man Versus Bee​ ដោយ Mr. Bean ដើរតួជាឪពុកដ៏កំសត់ ឈ្មោះ Trevor ជាមួយនឹងដៃគូរសមភាគីរបស់គាត់ ដែលកំពូលរពឹសហើយតែងតែធ្វើបាបគាត់រហូតនោះគឺសត្វឃ្មុំ (Mr. Bee)។

ចំណុចកំប្លែងនៅក្នុងភាពយន្តនេះគឺនៅត្រង់ Mr. Bean ព្យាយាមដេញវាយ Mr. Bee ហើយបង្កជាសង្គ្រាមឈ្លោះគ្នាពេញបន្ទប់ ផ្ទះបាយ បន្ទប់ទឹក និងទីបំផុតត្រូវឆេះផ្ទះខ្ទេចខ្ទីអស់។ ដូច្នេះប្រាប់ហើយថាកុំចង់ខ្លាំងជាមួយបងឃ្មុំ។ កាលពីរឿងមុន លោកតា Bean គឺជាតួឯក ហើយតែងឈ្នះគេគ្រប់រឿង តែលើកនេះប៉ះបង ឃ្មុំ គឺសយធំហើយ ពីព្រោះមិនត្រឹមតែចាញ់ទេ តែថែមទាំង ហិនហោចទាំងផ្ទះរបស់ខ្លួនឯងទៀត។ និយាយជារួមទៅ គ្រាន់តែមើល Trailer Admin សើចឡើងចង់គាំងហើយ ចុះទម្រាំតែមើលមួយរឿងពេញវិញមិនដឹងថា Admin សើចហៀរទឹកមាត់ប៉ុនណាទៅ? ដូច្នេះបើអ្នកទាំងអស់គា្នចង់មើលមួយរឿងពេញ អ្នកអាចចូលទៅមើលនៅក្នុង Netflix បានដែលគេនឹងត្រៀមចេញនៅក្នុងខែមិថុនា៕

បកប្រែដោយ៖ ម៉ៅ គុយដង់