កាលពីក្នុងការប្រគំតន្រ្តី Sting Musicverse ថ្ងៃទី១២ ខែវិច្ឆិកាកន្លងទៅនេះ លោកជីដេវីតបានពន្ញាក់អារម្មណ៍បណ្តាអ្នកគាំទ្រជាមួយនឹងការសម្តែងបទថ្មីដែលមិនត្រូវបានលាតត្រដាងចំណងជើងឡើងមួយ យ៉ាងមានភាពអាថ៌កំបាំង និងទាក់ទាញបំផុតនៅលើេវទិកាដ៏អស្ចារ្យ។

នៅក្នុងបទនេះដែរ លោកជីដេវីតបានស្លៀកនូវឈុតខ្មៅមួយឈុត ដែលមាន Hoodie មានមួកពណ៌ខ្មៅ ដែលធ្វើអោយរូបលោកកាន់តែលេចធ្លោដោយអានុភាពនៃអំណាច និងភាពអាថ៌កំបាំង។ ម្យ៉ាងទៀតនៅ Background ខាងក្រោយរបស់ផ្ទាំង LED ដ៏ធំនៃឆាកប្រគំតន្រ្តីនោះ ក៏បានចាក់បញ្ចាំងឡើងជាមួយនឹងផ្ទាំងរូបភាពដ៏ប្លែកភ្នែកដែលជារូបសំណាក់ព្រះទិទេពអ្វីម្យ៉ាងកំពុងឆេះសន្ធោសន្ធៅនៅក្នុងភ្លើងព្រះអគ្គី។ រួមជាមួយនឹងអត្ថន័យនៃប៉ារ៉ូលបទរ៉េបកាចៗទៀតនោះ ធ្វើអោយបណ្តាទស្សនិកជនខិតខំផ្ទៀងត្រចៀកផង និងមិនអោយមើលរំលងទស្សនីយភាពដ៏អស្ចារ្យនេះទេ។ 

ចំនុចទាំងនេះហើយដែលធ្វើអោយខនសិបនៃបទចំរៀងកាន់តែមានភាពគួរអោយចាប់អារម្មណ៍ និងការសម្តែងមានភាពរន្ថើនអារម្មណ៍បំផុត។ ចំពោះបទចំរៀងនេះផងដែរ លោកជីដេវីតបានលើកយកទៅសម្តែងឡើងនៅក្នុងអំឡុងពេលពាក់កណ្តាលនៃការសម្តែងរបស់លោកជាប់ៗគ្នា ដែលមានចំនួនទាំងអស់២២បទ និងមានរយៈពេលប្រមាណជា២ម៉ោង។ គួរបញ្ជាក់ថាបទនេះដែរ លោកបានច្រៀងឡើងនៅក្នុងអំឡុងពេល Break បទញ៉ាក់ ដែលធ្វើឡើងបន្ទាប់ពីបញ្ចប់ការសម្តែងបទ«How about now?» របស់លោក។ យ៉ាងណាមិញផងដែរ គួររំលឹកថានៅថ្ងៃស្អែកនេះ លោកជីដេវីតនឹងមានការប្រគំតន្រ្តីដ៏ធំមួយទៀតនៅក្នុងខេត្តបាត់ដំបងផងដែរ។ តោះ! ទស្សនិកជនដូចជាមានលឺថាអាចនឹងមានការ Live ដូចគ្នា!