កាលពីថ្ងៃពុធ Beyoncé បានបង្ហាញថាអាល់ប៊ុមស្ទូឌីយ៉ូទីប្រាំពីរដែលមានចំណងជើងថា "Renaissance" នឹងមកដល់នៅថ្ងៃទី 29 ខែកក្កដាខាងមុខនេះ។ ការប្រកាសនេះកើតឡើងភ្លាមៗបន្ទាប់ពីតារាចម្រៀងរូបនេះបានធ្វើឱ្យអ្នកគាំទ្រមានការសង្ស័យដោយការលុបរូបភាព Profile នៅលើគណនីបណ្តាញសង្គមរបស់នាង។ Album ថ្មី “Renaissance” ត្រូវបានរៀបចំជាស្រេចដើម្បីផ្តល់ជូនអ្នកគាំទ្របន្ទាប់ពីការង់ចាំរយៈពេលប្រាំមួយឆ្នាំនៃអាល់ប៊ុមស្ទូឌីយ៉ូចុងក្រោយរបស់នាង“Lemonade”ដែលបានចេញកាលពីឆ្នាំ២០១៦។ មុនពេលចេញ “Renaissance”ខាងមុខនេះ រូបភាព Beyoncé នឹងត្រូវបានដាក់លើគម្របទស្សនាវដ្តី British Vogue ខែកក្កដាផងដែរ។ តារាចម្រៀង Vocalist ដែលត្រូវបានសហការជាមួយនាងបានប្រាប់ទស្សនាវដ្តី Fashionថា ការបង្កើតតន្ត្រី ថ្មីនេះគឺជាដំណើរការដ៏វែងឆ្ងាយដែលត្រូវបានចាប់ផ្តើមតាំងពីជំងឺរាតត្បាតកូវីដ-១៩ មកម្ល៉េះដែលវាជាហេតុផលមួយផ្តល់ឱ្យនាងនូវពេលវេលាបន្ថែមទៀតដើម្បីគិតនៅលើគម្រោងថ្មីបានល្អិតល្អន់។
មិនតែប៉ុណ្ណោះ អ្នកនិពន្ធ Edward Enninful របស់ British Vogue បានសរសេររៀបរាប់នៅពេលដែលបានស្តាប់អាល់ប៊ុមនេះជាលើកដំបូងថា "ទេពកោសល្យនៃច្រៀង និងចង្វាក់នៃភ្លេងបានរួមបញ្ចូលគ្នាយ៉ាងល្អឥតខ្ចោះ ដែលវាបាននាំយកអារម្មណ៏របស់គាត់ទៅកាន់ក្លឹបកម្សាន្តនៅវ័យជំទង់របស់គាត់" ។ ទោះបីជា Album Renaissanceថ្មីេនះបានទទួលការផ្សព្វផ្សាយនិងមានមនុស្សនិយាយអំពីវាច្រើនជាងអាល់ប៊ុមមុនៗក៏ដោយ ក៏អ្នកគាំទ្រជាច្រើននៅតែស្ងើចសរសើរចំពោះសមត្ថភាពពិសេសរបស់ Beyoncé ក្នុងការលក់ដោយមិនចាំបាច់ព្យាយាមអ្វីច្រើននោះទេ។ ជាក់ស្តែងកាលពីឆ្នាំ 2013 Beyoncé បានផ្លាស់ប្តូរហ្គេមរបស់ឧស្សាហកម្មតន្ត្រីរួចទៅហើយ ដោយបើកដំណើរការលក់របស់អាល់ប៊ុមស្ទូឌីយោទីប្រាំរបស់ខ្លួន ដោយមិនមានការជូនដំណឹងអ្វីទាល់តែសោះជាមុន។ បន្ទាប់ មកការលក់បានជិតមួយលានច្បាប់ក្នុងរយៈពេលត្រឹមតែបីថ្ងៃប៉ុណ្ណោះ។ ហើយឥឡូវនេះក៏មានសិល្បករសំខាន់ៗផ្សេងទៀតបានចាប់ផ្តើមធ្វើយុទ្ធសាស្រ្តស្រដៀងគ្នានេះផងដែរ។
អត្ថបទដោយ Calvin Nann