នៅទីបំផុត លោក Harry Styles បានលោតពីលេខ ១០ ដល់លេខ ១ នៅលើតារាង Billboard Artist 100 ដែលបានចុះនៅថ្ងៃទី៤ ខែមិថុនា ដោយបានត្រឡប់មកវិញជាការសម្តែងតន្រ្តីកំពូលនៅក្នុងសហរដ្ធអាមេរិកសម្រាប់មួយសប្តាហ៍សរុបទីបី ហើយជាលើកដំបូងចាប់តាំងពីខែធ្នូ ឆ្នាំ២០១៩ ដោយសារតែភាពជោគជ័យមួយសប្តាហ៍ដំបូងដ៏ធំធេងនៃអាល់ប៊ុម Harry’s House ថ្មីរបស់លោក។
អាល់ប៊ុមនេះបានឡើងដល់លេខ១ នៅលើតារាង Billboard 200 ជាមួយនឹងក្រុម Album ដែលស្មើនឹង ៥២១,០០០ ដែលរកបាន ដោយយោងទៅតាម Luminate ជាចំនួនសរុបប្រចាំសប្តាហ៍ដ៏ធំបំផុតសម្រាប់ អាល់ប៊ុម នៅឆ្នាំនេះ លើសពីចំនួនសរុបដំបូងនៃ អាល់ប៊ុម Mr. Morale & the Big Steppers របស់ តារារ៉េបអាមេរិកដ៏ល្បី Kendrick Lamar កាលពីមួយសប្តាហ៍មុន (ដែលទទួលបាន ២៩៥,៥០០ units)។ Harry’s House គឺគ្រាន់តែជាអាល់ប៊ុមទី៤ ក្នុងរយៈពេល១៨ខែចុងក្រោយដែលរកបានយ៉ាងហោចណាស់ ៥០០,០០០ Units នៅក្នុងមួយសប្តាហ៍ ហើយកត់ត្រាថាជា ចំនួនសរុបដ៏ច្រើនបំផុតចាប់តាំងពីអាល់ប៊ុមទី ៣០ របស់ Adele ដែលបានបង្ហាញដំបូងជាមួយនឹង ៨៣៩,០០០ Units នៅលើតារាងដែលចុះថ្ងៃទី៤ ខែធ្នូ ឆ្នាំ២០២១។
អាល់ប៊ុម Harry’s House ធ្វើឲ្យលោក Styles ទទួលបាន អាល់ប៊ុមលេខមួយទោលទីបីរបស់លោក ហើយនិងចំនួនឯកតាប្រចាំសប្តាហ៍ដ៏ល្អបំផុតបន្ទាប់ពី អាល់ប៊ុម Fine Line ដែលទទួលបានត្រឹម ៤៧៨,០០០ នៅក្នុងខែធ្នូ ឆ្នាំ២០១៩ ហើយនិងការបង្ហាញខ្លួន អាល់ប៊ុម Self-Titled របស់លោក ដែលទទួលបានត្រឹមតែ ២៣០,០០០ កាលពីខែមិថុនា ឆ្នាំ២០១៧។ ដោយស្របពេលជាមួយគ្នានោះដែរ លោក Styles បានបញ្ជូនបទចម្រៀងទាំង ១៣ បទពី អាល់ប៊ុម Harry’s House ចូលទៅ Billboard Hot 100។ ពួកគេទាំងអស់ជាប់នៅក្នុងចំណាត់ថ្នាក់កំពូលទាំង៣០ ខណៈពេលដែល ៤បទ ជាប់នៅក្នុង Top ១០ គឺ៖ បទ “As It Was” ដែលស្ទុះងើបឡើងវិញសម្រាប់សប្តាហ៍ទីបួននៅលេខរៀងទី ១,បទ “Late Night Talking” នៅលេខរៀងទី ៤, បទ “Music for a Sushi Restaurant” នៅលេខរៀងទី៨ និង បទ “Matilda” នៅលេខរៀងទី ៩ ៕
បកប្រែដោយ៖ ម៉ៅ គុយដង់