នាយករដ្ឋមន្រ្តី Scott Morrison បាននិយាយកាលពីថ្ងៃសុក្រថា លោកធ្លាប់បានលើកឡើងពីលទ្ធភាព អូស្រ្តាលីអាចនឹងដកខ្លួនចេញពីកិច្ចព្រមព្រៀងនាវាមុជទឹកឆ្នាំ២០១៦ជាមួយក្រុមហ៊ុនបារាំង នៅក្នុងកិច្ចពិភាក្សារជាមួយ លោកប្រធានាធិបតីបារាំង Macron នាខែមិថុនា ,ព្រមទាំងបដិសេធចំពោះការរិះគន់របស់បារាំងថា លោកមិនបានព្រមានជាមុន។
អូស្រ្តាលីបាននិយាយថាគេបានដកខ្លួនចេញពីកិច្ចព្រមព្រៀងជាមួយក្រុមហ៊ុននាវាបារាំង ដែលមានតម្លៃជិ៤០ពាន់លានដុល្លារ ហើយរៀបចំផលិតដោយខ្លួនឯងនូវនាវាមុជទឹកដែលដើរដោយឋាមពលបរិមាណូយ៉ាងតិច៨គ្រឿង ដែលមានការឧបត្ថម្ភគាំទ្រផ្នែកបច្ចេកវិទ្យាពីអង់គ្លេសនិងអាមេរិក បន្ទាប់ពីបានចុះហត្ថលេខាលើសម្ព័ន្ធមិត្តត្រីភាគី ក្នុងឥណ្ឌូប៉ាស៊ីហ្វិកដែលមាន អាមេរិក អង់គ្លេស និងអាមេរិក ដើម្បីប្រឆាំងជាមួយចិន។
រដ្ឋមន្រ្តីក្រសួងការបរទេសបារាំង Jean Yves Le Drian បានហៅសម្ព័ន្ធមិត្តនេះ ថាជា”ការចាក់ពីក្រោយខ្នង” កាលពីថ្ងៃព្រហស្បត៍ លោក Morrison បាននិយាយថាអូស្រ្តាលីបានជូនដំណឹងជាមុន ប៉ុន្តែបារាំងបានបដិសេធ។
កាលពីថ្ងៃសុក្រ Morrison បានទទួលស្គាល់ថា មានការខូចខាតនូវទំនាក់ទំនងរវាងបារាំងនិងអូស្រ្តាលី តែលោកបានប្រាប់ប្រធានាធិបតីបារាំង Emanuel Macron កាលពីខែមិថុនាថាអូស្រ្តាលីមានកាសើរើនិងគិតឡើងវិញពីកិច្ចព្រមព្រៀងនោះហើយនឹងពិចារណារលើសេចក្តីសំរេចផ្សេងមួយទៀត។
“ ខ្ញុំបាននិយាយច្បាស់លាស់ណាស់ ពេលនោះយើងបានទទួលទានភោជនាហារល្ងាចជាមួយគ្នានៅទីក្រុងប៉ារីស “។