ជម្លោះដ៏ធំមួយបានផ្ទុះឡើងរវាងមេដឹកនាំជាន់ខ្ពស់តាលីបង់ទៅលើរឿងបែងចែកក្រុម ក្នុងរដ្ឋាភិបាលថ្មីអាហ្វហ្គានីស្ថាន មន្ត្រីតាលីបង់បានប្រាប់ BBC News។ ពួកតាលីបង់បាននិយាយទៀតថា ការប៉ះទង្គិចពាក្យសំដីដ៏ខ្លាំងៗរវាងក្រុមសហស្ថាបនិក Mullah Abdullah Ghani Baradar ដែលជាឧបនាយករដ្ឋមន្រ្តីជាមួយក្រុមបណ្តាញ Haqqani ពិតជាបានកើតមានឡើងនៅក្នុងវិមានប្រធានាធិបតីមែន។

ពួកគេមិនបានបញ្ជាក់អំពីរបាយការណ៍ក្នុង ការមិនចុះសម្រុងគ្នាក្នុងចំណោមមេដឹកនាំតាលីបង់ ចាប់តាំងពីលោក Baradar បានបាត់ខ្លួនដោយមិនបានចេញមុខជាសាធារណះក្នុងពេលប៉ុន្មានថ្ងៃថ្មីៗនេះ ដោយមានការបដិសេធជាផ្លូវការ។ ពួកតាលីបង់ម្នាក់បាននិយាយ ប្រាប់ BBC ថាលោក Baradar និង Khali ur-Rahman Haqqani ដែលជារដ្ឋមន្រ្តីទទួលបន្ទុកជនភៀសខ្លួន និងជាមនុស្សដ៏សំខាន់នៅក្នុងបណ្តាញអ្នកប្រយុទ្ធនៃក្រុម Haqqani បានប៉ះទង្គិចពាក្យសំដីគ្នាយ៉ាងខ្លាំង ខណៈដែលពួកអ្នកគាំទ្រ និងអង្គរក្សបានប្រវ៉ាយប្រតប់គ្នានៅក្បែរនោះ។

មន្រ្តីជាន់ខ្ពស់តាលីបង់ម្នាក់ ដែលមានទីតាំងនៅប្រទេស កាតា ហើយដែលជាមនុស្សដែលមានទំនាក់ទំនងជាមួយក្រុមមនុស្សដែលមានជម្លោះជាមួយគ្នា ក៏បានបញ្ជាក់ផងដែរថា ជម្លោះបានកើតមានឡើងកាលពីចុងសប្តាហ៍នេះ។ ប្រភពបានបញ្ជាក់ទៀតថា ជម្លោះបានផ្ទុះឡើងបន្ទាប់ពីលោក Baradar ឧបនាយករដ្ឋមន្រ្តីថ្មី មានការមិនសប្បាយចិត្តចំពោះរចនាសម្ព័ន្ធនៃរដ្ឋាភិបាលថ្មី និងការបែងចែកតំណែង និងតួនាទីក្នុងរដ្ឋាភិបាល។

ពួកគេនិយាយទៀតថា លោក Baradar បានចេញដំណើរទៅកាន់ក្រុងកាន់ដាហារ បន្ទាប់ពីមានជម្លោះ ហើយពួកយើងសុខសប្បាយទាំងអស់គ្នាទេ៕