បទចំរៀង«How about now?» របស់លោកជីដេវីតដែលទើបតែចេញផ្សាយថ្ងៃទី១៦ ខែកក្កដាកន្លងទៅនេះនៅក្នុងឆាណែលយូធូបផ្លូវការរបស់លោក Dit Way ដោយមានការគាំទ្រឡើងដោយភ្លេងស្មាតឃើញថាទទួលបានសន្ទុះការគាំទ្រយ៉ាងច្រើនពីទស្សនិកជនជាពិសេសពីសំណាក់ហ្វេនរបស់លោកផ្ទាល់បន្ទាប់ពីលោកធ្វើដំណើរត្រលប់មកវិញជាមួយអាល់ប៊ុមថ្មីរបស់លោក។ ក្រោយពេល MV បទចំរៀងចេញផ្សាយបានរយៈពេលពីរថ្ងៃលោកចាដេតក៏បានធ្វើការបង្ហេាះវីឌីអូក្រោយឆាកនៃការថតបទ ‘Howaboutnow?’ របស់លោកជីដេវីតនៅក្នុងឆាណែលយូធូបផ្លូវការរបស់លោកដែលមានឈ្មេាះថា Jah DethTV ផងដែរ ។ តាមរយៈការថតក្រោយឆាកនៃបទចំរៀងមួយនេាះ ឃើញថាមានបរិយាកាសសប្បាយរីករាយមែនទេាះបីម្នាក់ៗមានភាពមមាញឹកតែអមមកជាមួយនូវការសហការគ្នាដោយក្តីរីករាយ។ ដោយឃើញមានការចូលរួមពីតួសម្តែងមួយចំនួននៅក្នុង​ MV និងវត្តមានរបស់លោក Athika ផងដែរ ដែលជាអ្នកដឹកនាំថត MV មួយនេះអោយដំណើរការទៅរលូន និងទទួលបានជោគជ័យជាស្ថាបពរ។ លោកជីដេវីតបានប្រាប់អោយដឹងតាមរយៈការសម្ភាសន៍របស់លោកចាដេតថាអាល់ប៊ុមថ្មីរបស់លោកនេះចង់សំដៅដល់មូលន័យធំៗដូចជាអំពីចំណង់ចំនូលចិត្ត ជីវិតនិងភាពតស៊ូ រួមទាំងចំណងមិត្តភាពផងដែរដែលមានរសជាតិជាច្រើនទាំងសប្បាយផងឈឺចាប់ផងសំរាប់ទស្សនិកជនស្តាប់កំសាន្តមានរំលេចចេញនៅក្នុងបទចំរៀងទាំង១៥បទរបស់លោក។ 

តើការបង្ហាញ MV ក្រោយឆាកមួយនេះនឹងពាំនាំនូវព្រឹត្តិការណ៍អ្វីថ្មីសំរាប់នាពេលអនាគតដែររឺទេ តេាះរង់ចាំមើលទាំងអស់គ្នាជាមួយអេដមីន។ មិនតែប៉ុណ្ណេាះនៅថ្ងៃស្អែកនេះ ទស្សនិកជនទាំងអស់គ្នាកុំភ្លេចចុះឈ្មេាះចូលរួមកម្មវិធី -F/F/F-Party របស់លោកជីដេវីតផងដែលទើបនឹងប្រកាសឡើង ដោយពេលវេលាចុះឈ្មេាះនៅម៉ោង 12ថ្ងៃត្រង់ ទីតាំងនៅ Hard Rock (ExchangeSquare) ពីម៉ោង៤រសៀលដល់ម៉ោង៦ល្ងាចនាថ្ងៃទី២៣ ខែកក្កដា​​​ខាងមុខនេះ។ចំនួនកន្លែងចុះឈ្មេាះមានសំរាប់ត្រឹមតែ៧០​​​នាក់ប៉ុណ្ណេាះ។ កម្មវិធី PASSIONTRIPLEFPARTY នេះទៀតសោតមានការចូលរួមឡើងពី Sting ផងដែរ។

អត្ថបទដោយ Vatey