ប្រធានាធិបតី Rodrigo Duterte បាននិយាយថា នឹងឈប់ទូទាត់បញ្ជីររដ្ឋាភិបាលជាមួយនឹងអង្គការកាកបាទក្រហមហ្វីលីពីន បើសិនជា អង្គការនេះមិនផ្តល់នូវកំណត់ត្រាបញ្ជីថវិកាសំរាប់ធ្វើសវនកម្ម។
ក្នុងអំឡុងពេលថ្លែងទៅកាន់ប្រជាជាតិតាមរលកវិទ្យុកាលពីថ្ងៃសៅរ៍ Duterte បាននិយាយថា លោកនឹងសរសេរសំបុត្រទៅកាន់អង្គការកាកបាទក្រហមហ្វីលីពីនដែលជាស្ថាប័នឯកជន ដើម្បីឲ្យបើកបញ្ជីថវិការបស់ខ្លួនឲ្យរដ្ឋាភិបាលធ្វើសវនកម្ម។
" នៅក្នុងប៉ុន្មានថ្ងៃខាងមុខនេះ ខ្ញុំនឹងសរសេរសំបុត្រ១ ដើម្បីឲ្យអ្នកបើកបញ្ជីកំណត់ត្រាថវិការបស់អ្នក ពីព្រោះខ្ញុំនឹងធ្វើសំណូមពរផងដែរ ទៅលោក Aguinaldo ហើយខ្ញុំប្រាកដណាស់ថា លោកនឹងដឹងពីការងាររបស់លោក ថាថវិកាកាកបាទក្រហមជាលុយកាក់របស់រដ្ឋាភិបាលដែលលោកត្រូវតែតាមមើលរឿងនេះ " Duterte បាននិយាយយ៉ាងដូច្នេះ ទៅកាន់សមាជិកព្រឹទ្ធសភា Richard Gordon ។
" ខ្ញុំនឹងបញ្ឍប់រដ្ឋាភិបាលជាតិក្នុងការទូទាត់សាច់ប្រាក់ជាមួយអ្នក ទោះបីជាតាមរបៀបណាក៏ដោយ តាមដែលខ្ញុំដឹងកាកបាទក្រហមមិនមានទេ "៕