អ៊ីរ៉ង់មិនស្វែងរកការទិញអាវុធនុយក្លេអ៊ែរ និងបើកចំហចំពោះកិច្ចព្រមព្រៀងនុយក្លេអ៊ែរណាមួយជាមួយលោកខាងលិច។ ម៉្យាងវិញទៀតចលនាដ៏ខ្លាំងក្លារបស់អ៊ីរ៉ង់ក្នុងការបន្តធ្វើទំនើបកម្មអាវុធនុយក្លេអ៊ែរ និងយោធារបស់ខ្លួន ដោយមានការចូលរួមពីរុស្ស៊ី ជាចំនុចដែលសេតវិមានបាននិយាយថាភាគីរុស្ស៊ីនិងអ៊ីរ៉ង់ជិតបញ្ចប់ការសាងសង់រោងចក្រនៅជិតរដ្ឋធានីមូស្គូរបស់រុស្ស៊ីហើយ រោងចក្រដែលបានរៀបរាប់ខាងលើនឹងចូលបម្រើក្នុងអំឡុងឆ្នាំក្រោយ។ របាយការណ៍ក៏បាននិយាយផងដែរថារុស្ស៊ីបានជួយអ៊ីរ៉ង់សាងសង់ទីតាំងនុយក្លេអ៊ែរថ្មីចំនួនពីរ ដោយម៉ាស៊ីនរ៉េអាក់ទ័ររបស់ពួកវានៅក្នុងតំបន់ Bushehr ។
-
អាមេរិកបញ្ចប់កិច្ចព្រមព្រៀងសម្ងាត់ជាមួយអ៊ីរ៉ង់ដើម្បីវាយប្រហារសេដ្ឋកិច្ចអារ៉ាប់
យោងតាមសារព័ត៌មាន AP News ចុះផ្សាយថ្ងៃទី១០ ខែមិថុនាបានអោយដឹងថា អ៊ីរ៉ង់កំពុងផ្តល់សម្ភារៈដល់រុស្ស៊ីដើម្បីសាងសង់រោងចក្រផលិតដ្រូននៅភាគខាងកើតទីក្រុងមូស្គូ ខណៈដែលវិមានក្រឹមឡាំងសម្លឹងរកការទប់ទល់ការផ្គត់ផ្គង់សព្វាវុធជាលំដាប់សម្រាប់ការលុកលុយជាបន្តបន្ទាប់របស់ខ្លួនលើអ៊ុយក្រែននេះបើយោងតាមការស៊ើបអង្កេតរបស់សហរដ្ឋអាមេរិកដែលចេញផ្សាយដោយសេតវិមានកាលពីថ្ងៃសុក្រ។
រដ្ឋបាលលោក Biden កាលពីថ្ងៃសុក្របានចេញសេចក្តីណែនាំមួយក្នុងគោលបំណងជួយអាជីវកម្ម និងរដ្ឋាភិបាលផ្សេងទៀតដាក់វិធានការដើម្បីធានាថាពួកគេមិនបានរួមចំណែកដោយអចេតនាចំពោះកម្មវិធីផលិតដ្រូនរបស់អ៊ីរ៉ង់ទេ។
សេចក្តីជូនដំណឹងរបស់ក្រសួងពាណិជ្ជកម្មរដ្ឋ យុត្តិធម៌ និងរតនាគារ បាននិយាយថា វាជារឿងសំខាន់ដែលឧស្សាហកម្មឯកជនត្រូវដឹងពីកាតព្វកិច្ចផ្លូវច្បាប់របស់ខ្លួន ដើម្បីគោរពតាមការត្រួតពិនិត្យ និងការដាក់ទណ្ឌកម្មរបស់សហរដ្ឋអាមេរិក។
សហរដ្ឋអាមេរិក សហភាពអឺរ៉ុប និងចក្រភពអង់គ្លេស ក្នុងរយៈពេលប៉ុន្មានខែថ្មីៗនេះ សុទ្ធតែបានចេញច្បាប់រៀបចំឡើងដើម្បីកាត់ផ្តាច់លំហូរនៃគ្រឿងបន្លាស់ដ្រូនទៅកាន់ប្រទេសរុស្ស៊ី និងអ៊ីរ៉ង់។
-
អ៊ីរ៉ង់គ្រោងបង្កើតមជ្ឈមណ្ឌលឧស្ម័នរួមជាមួយរុស្ស៊ី កាតា តូមិននីស្ថាន
យោងតាមសារព័ត៌មាន Tass ចុះផ្សាយថ្ងៃទី៧ ខែមិថុនាបានអោយដឹងថា រដ្ឋមន្ត្រីប្រេងអ៊ីរ៉ង់ លោក Javad Owji បានប្រកាសកាលពីថ្ងៃពុធថាប្រទេសអ៊ីរ៉ង់គ្រោងនឹងបង្កើតមជ្ឈមណ្ឌលឧស្ម័ន ដោយមានការចូលរួមពីរុស្ស៊ី កាតា និងតូមិននីស្ថាន។
មជ្ឈមណ្ឌលនេះនឹងត្រូវបានបង្កើតឡើងនៅក្នុងតំបន់ឧស្សាហកម្មនៃតំបន់ Asaluyeh ក្នុងទីក្រុង Bushehr នៅលើឆ្នេរសមុទ្រភាគខាងជើងអ៊ីរ៉ង់នៃឈូងសមុទ្រពែរ្ស។
ទីភ្នាក់ងារសារព័ត៌មាន Tasnim បានដកស្រង់សម្តីរដ្ឋមន្ត្រីប្រេងបាននិយាយថា "យើងមានទុនឧស្ម័នបំរុងធំជាងគេលំដាប់ទី2នៅលើពិភពលោកដូច្នេះយើងគ្រោងនឹងបង្កើតមជ្ឈមណ្ឌលឧស្ម័ននៅក្នុងតំបន់ Asaluyeh ដោយសហការជាមួយរុស្ស៊ី កាតា និងតួមិននីស្ថាន"។ ប៉ុន្តែលោក Owji មិនបានបញ្ជាក់ពីរយៈពេលនៃដំណើរការអនុវត្តគម្រោងនេះទេ។
តំបន់ Assaluyeh បម្រើជាមជ្ឈមណ្ឌលផលិតកម្មសម្រាប់តំបន់ប្រេង និងឧស្ម័នដ៏ធំបំផុតរបស់ពិភពលោក ដែលមានទីតាំងនៅផ្នែកកណ្តាលនៃឈូងសមុទ្រពែក្ស ក្នុងដែនទឹកនៃអ៊ីរ៉ង់ និងកាតា។
-
អ៊ីរ៉ង់សាងសង់រ៉េអាក់ទ័រថ្មីពីរនៅរោងចក្រនុយក្លេអ៊ែរ Bushehr
យោងតាមសារព័ត៌មាន Anadolu Agency ចុះផ្សាយថ្ងៃទី៨ ខែមិថុនាបានអោយដឹងថា អ៊ីរ៉ង់កំពុងសាងសង់ម៉ាស៊ីនរ៉េអាក់ទ័រថ្មីពីរនៅរោងចក្រថាមពលនុយក្លេអ៊ែរ Bushehr នៅឆ្នេរភាគនិរតីរបស់ប្រទេសនេះបើតាមអភិបាលខេត្តបានអោយដឹង។
អភិបាល Bushehr លោក Ahmad Mohammadizadeh បាននិយាយថា រ៉េអាក់ទ័រថ្មីនីមួយៗនឹងមានសមត្ថភាព1,800មេហ្គាវ៉ាត់ ហើយកំពុងត្រូវបានសាងសង់ដោយវិស្វករជនជាតិអ៊ីរ៉ង់វ័យក្មេង ដោយគ្មានជំនួយពីអ្នកជំនាញបរទេសណាមួយឡើយ។
រោងចក្រថាមពលនុយក្លេអ៊ែរ Bushehr ដែលជារ៉េអាក់ទ័រដំណើរការតែមួយគត់នៅក្នុងប្រទេសអ៊ីរ៉ង់ដោយមានកម្លាំង 1,000 មេហ្គាវ៉ាត់ ត្រូវបានសាងសង់ដោយវិស្វកររុស្ស៊ី ហើយបានប្រគល់ទៅឱ្យទីភ្នាក់ងារថាមពលបរមាណូរបស់ប្រទេសអ៊ីរ៉ង់ក្នុងខែកញ្ញា ឆ្នាំ 2013 ។
ប្រធានទីភ្នាក់ងារនុយក្លេអ៊ែរអ៊ីរ៉ង់លោក Mohammad Eslami ថ្មីៗនេះបាននិយាយថា គម្រោងនុយក្លេអ៊ែរប្រហែលមានចំនួន150 បច្ចុប្បន្នកំពុងត្រូវបានសាងសង់នៅទូទាំងប្រទេស។
ការបង្កើនការពង្រឹងនុយក្លេអ៊ែរដោយអ៊ីរ៉ង់បានបង្កក្តីបារម្ភនៅប្រទេសលោកខាងលិច ដោយអាជ្ញាធរអ៊ីរ៉ង់បានរក្សាពាក្យថាពួកគេមិនមានបំណងបង្កើតគ្រាប់បែកនុយក្លេអ៊ែរទេ។
អាជ្ញាធរអ៊ីរ៉ង់បាននិយាយថាការពង្រីករោងចក្រនុយក្លេអ៊ែរ Bushehr គឺចាំបាច់ដើម្បីបំពេញតម្រូវការអគ្គិសនីដែលកំពុងកើនឡើងនៅក្នុងប្រទេសតែប៉ុណ្ណោះ។
