ខេត្តពោធិ៍សាត់៖ កម្លាំងនគរបាលរដ្ឋបាលថ្មដាដឹកនាំដោយលោកវរសេនីយ៍ឯក ធាង ឡេង អធិការនគរបាលស្រុកវាលវែង បានចេញចុះបង្រ្កាបនិងឃាត់ខ្លួនជនសង្ស័យម្នាក់ពីបទរក្សាទុក ជួញដូរនិងប្រើប្រាស់នូវសារធាតុញៀនខុសច្បាប់កាលពី១៩ខែកញ្ញាឆ្នាំ២០២១វេលាម៉ោង១៩និង២៥នាទីនៅចំណុចអូរជាំស្លា ស្ថិតក្នុងភូមិឯកភាព ឃុំថ្មដា ស្រុកវាលវែង។
លោកវរសេនីយ៍ឯក ធាង ឡេង បានឲ្យដឹងថាករណីបង្រ្កាបនេះសមត្ថកិច្ចយើងបានឃាត់ខ្លួនជនសង្ស័យម្នាក់ឈ្មោះ ឈុន ឈឿន ភេទប្រុសអាយុ៥២ឆ្នាំរស់នៅ ភូមិឃុំខាងលេី និងដកហូតបានវត្ថុតាងមាន៖ម្សៅ ក្រាមសថ្លាសង្ស័យសារធាតុញៀន ២៤កញ្ចប់តូចស្មើនឹង ៩.១០ ក្រាម (ថ្លឹងទាំងសំបកថង់ ),សម្ភារៈសម្រាប់ជក់គ្រឿងញៀន០១កំផ្លេ,កូនថង់ប្លាស្ទិចសម្រាប់ច្រកគ្រឿងញៀនមួយចំនួន,ស្នាប់ដៃ០១និងទូរស័ព្ទ០១គ្រឿង ។
បច្ចុប្បន្នជនសង្ស័យ និងវត្ថុតាងត្រូវបានកម្លាំងសមត្ថកិច្ចជំនាញបញ្ជូនមកកាន់អធិការដ្ឋាន នគរបាលស្រុកវាលវែងដើម្បីចាត់ការបន្តទៅតាមនីតិវិធី ៕