បាត់ដំបង៖ បុរសម្នាក់បានរងរបួសស្រាលក្នុងករណីផ្ទុះមីនតោន ខណៈពេលបើកអេស្ការវ៉ាទ័រមួយគ្រឿងកំពុងឆ្កាព្រៃ។ ហេតុការណ៍បានកើតឡើងកាលពីថ្ងៃទី១៨ ខែកញ្ញា ឆ្នាំ២០២១ ត្រង់ចំណុចចំការ ឯកឧត្តម ប៉ុល សារឿន ស្ថិតក្នុងភូមិអំពឹប ឃុំមានជ័យ ស្រុកសំឡូត។
តាមការរាយការណ៍ពីសមត្ថកិច្ច បានឲ្យដឹងថា គ្រឿងចក្រអេស្ការចុះឆ្កាព្រៃ ត្រង់ចំណុចចំការខាងលើបណ្តាលឲ្យប៉ះនឹងមីនតោន ១គ្រាប់ បណ្តាលឲ្យអ្នកបើកបររងរបួសស្រាល ជនរងគ្រោះឈ្មោះ ណយ ប៊ុន ភេទប្រុស អាយុ៣៦ឆ្នាំ រស់នៅខេត្តក្រចេះ ចំនែកអេស្ការ រងការខូចខាត ត្រង់ផ្នែកកញ្ចក់ខាងមុខ។
ក្រោយកើតហេតុលោកអធិការនគរបាលស្រុកបានបញ្ជូនកម្លាំងទៅដល់កន្លែងកើតហេតុ និក៍ផ្តល់ព័ត៌មានដល់មន្រ្តីជំនាញនៃអង្គភាពស៊ីម៉ាកCMAC មកពិនិត្យនិងហ៊ុំព័ទ្ធចំណុចនោះទុកដើម្បីធ្វើការរុករកគ្រាប់ផ្សេងៗនៅថ្ងៃស្អែកបន្តទៀត ។