កាលពីពេលថ្មីៗនេះមានម្ចាស់គណនីហ្វេកប៊ុកមួយឈ្មោះ Tha Tha បានចូលទៅខមិនក្នុងផេកផ្លូវការសម្តេចតេជោ ហ៊ុន សែន ដោយសរសេរថា « សម្តេចហ៊ុនសែន កូនហ៊ុនកំសត់ដឹងជាតិសុំរថយន្ត១គ្រឿង » ដោយមានបង្ហោះរូបរថយន្តម៉ាក Range Rover មួយគ្រឿង។

ភ្លាមៗនោះសម្តេចតេជោ ហ៊ុន សែន បានចូលតបវិញថា « សូមបញ្ឃប់ការប្រើប្រាស់ឈឺចាប់របស់ខ្ញុំ មកលេងសើចជាមួយខ្ញុំតទៅទៀត ។ 
ប្រសិនលោកជាកូនខ្ញុំចាប់ជាតិមែន ការហាមាត់សុំរថយន្តទំនើប ពិតជាធ្វើអោយខ្ញុំខកចិត្ត ព្រោះសូម្បីកូនៗដែលនៅរស់ ពួកគេមិនហាមាត់សុំឳពុកម្តាយសុំរបស់មានតម្លៃរាប់ទាំងខោអាវផង » ។

នេះជាករណីទីមួយហើយ ដែលមានជនអ្នកលេងហ្វេកប៊ុក ឈ្មោះគណនី Tha Tha ហ៊ានចូលខមិនក្នុងផេកសម្តេចតេជោថា ខ្លួនជាកូនហ៊ុនកំសត់ដឹងជាតិ ហើយស្នើរសុំរថយន្តទំនើប១គ្រឿងពីសម្តេចតេជោយ៉ាងដូច្ឆេះ ។

គួរបញ្ចាក់ថា កាលថ្ងៃទី១០ ខែវិច្ឆិកា ឆ្នាំ១៩៧៦ នៅភូមិកោះថ្ម ឃុំទន្លូង ស្រុកមេមត់ សម្តេចកិត្តិព្រឹទ្ធបណ្ឌិត ប៊ុន រ៉ានី ជាឧត្តមភរិយាដ៍កំសត់របស់សម្តេចតេជោហ៊ុន សែន បានប្រសូតបុត្រម្នាក់ឈ្មោះ ហ៊ុន កំសត់ មានអាយុមិនបាន១សប្តាហ៍ផងក៍ទទួលមរណកាល ទៅដោយសារពេទ្យរបបប៉ុល ពត មិនប្រយត្ន័ធ្វើអោយទារកនោះធ្លាក់ពីលើដៃ មកប៉ះជ្រុងគ្រែធ្លាក់ដល់ដីហូរឈាមរហូតដល់ទទួលមរណភាពយ៉ាងកំសត់ ខណៈសម្តេចកិត្តិកំពុងទៅអោយពេទ្យពិនិត្យសុខភាពនៅក្បែរនោះ ។

នេះគឺជាប្រវត្តិឈឺចាប់មួយរបស់សម្តេចទាំងពីរ ដែលមិនអាចបំភ្លេចបានក្នុងជិវីត កាលពីអតីតកាលក្នុងរបបប៉ុល ពត ៕