កំពង់ស្ពឺ៖ នៅថ្ងៃទី១៤ ខែកញ្ញា ឆ្នាំ២០២១ វេលាម៉ោង១០និង៤០នាទី នៅចំណុចភូមិចាស់ ឃុំពេជ្រមុនី កម្លាំងអធិការដ្ឋាននគរបាលស្រុកគងពិសី បានស្រាវជ្រាវឃាត់ខ្លួនក្រុមជនសង្ស័យចំនួន៥នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន។

ជនសង្ស័យទី១-ឈ្មោះ ហៃ សុធា ភេទប្រុស អាយុ២២ឆ្នាំ, ទី២-ឈ្មោះ លឹម ចាន់ស៊ី ភេទប្រុស អាយុ ២២ឆ្នាំ ទាំង២នាក់នៅភូមិត្រពាំងស្នួល ឃុំពេជ្រមុនី ស្រុកគងពិសី, ទី៣-ឈ្មោះ ពេជ្រ សុខ ភេទប្រុស អាយុ៣៦ឆ្នាំ, ទី៤-ឈ្មោះ អំ សំអ ភេទប្រុស អាយុ២១ឆ្នាំ ទាំង២នាក់នៅភូមិចាស់ ឃុំពេជ្រមុនី ស្រុកគងពិសី និងទី៥-ឈ្មោះ ប៊ិ ពិសី ភេទប្រុស អាយុ២៣ឆ្នាំ នៅភូមិពន្លឺខែ ឃុំពេជ្រមុនី ស្រុកគងពិសី។

សមត្ថកិច្ចដកហូតវត្ថុតាង៖ ម្សៅក្រាមពណ៌សថ្លាសង្ស័យជាគ្រឿងញៀន ១៥កញ្ចប់ (១៣តូច និង ២មធ្យម) ជញ្ជីងថ្លឹងគ្រឿងញៀន១, ទូរស័ព្ទដៃ២គ្រឿង រួមនឹងឧបករណ៍ប្រើប្រាស់គ្រឿងញៀនមួយចំនួន។បច្ចុប្បន្នកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី ៕