តាមរយៈផេកផ្លូវការរបស់លោកវណ្ណដា ក៏បង្ហោះសារអបជាមួយរូបភាពកាលពីថ្ងៃទី៤ ខែកុម្ភៈ ដែលបង្ហាញអំពីអំណរអរគុណថា ខ្ញុំពិតជាមានកិតិ្ដយសជាខ្លាំងដែលបានក្លាយខ្លួនជាទូតសុច្ឆន្ទៈថ្មីដំបូងបំផុតរបស់ក្រុមហ៊ុនហនុមាន ប៊ែវើរីជីស ហើយលើសពីនេះទៀត ខ្ញុំពិតជារីករាយដែលបានចាប់ដៃគូជាមួយក្រុមហ៊ុន ហនុមាន ប៊ែវើរីជីស ដែលជាក្រុមហ៊ុនមានគោលដៅដូចគ្នា នៅក្នុងការជម្រុញវិស័យកម្សាន្ដនៅប្រទេសកម្ពុជាយើងទៅកម្រិតបន្ទាប់។ ពួកគេមានចក្ខុវិស័យ ហើយពួកយើងនឹងផ្តល់ឲ្យអ្នកនូវបទពិសោធន៍នៃការប្រគុំតន្ត្រី និងវីដេអូចម្រៀងដែលមិនធ្លាប់មានពីមុនមក។ ពួកយើងនឹងមានការងារពិសេសៗជាច្រើន ដើម្បីចែករំលែកជាមួយនឹងអ្នកទាំងអស់គ្នានាពេលឆាប់ៗនេះ!!

ទោះបីជាពុំទាន់មានស្នាដៃសិល្បៈ ឬ MV ថ្មីដែលមានការសហការ និងឧបត្ថម្ភដោយក្រុមហ៊ុនប៊ែវើរីជីសរដ៏ដំមួយនេះក៏ដោយក៏ប៉ុន្តែមានអ្នកគាំទ្រជាច្រើនបានធ្វើការអបអរសាទរនឹងការចុះហត្ថលេខានៃកិច្ចព្រមព្រៀងនេះ និងសង្ឃឹមថាមានបទពិសោធន៏ថ្មីៗលើវិស័យតន្ត្រីអោយកាន់តែមានភាពអស្ចារ្យបន្ថែមទៀត ដើម្បីជាមុខមាត់ប្រទេសជាតិកាន់តែរីកចម្រើនលើឆាកអន្តរជាតិ។