កាលពីថ្ងៃអង្គារប្រធានាធិបតីរុស្ស៊ីបានដកចេញអនុក្រឹត្យឆ្នាំ២០១២ដែលបានតម្កល់មួយផ្នែកនៃអធិបតេយ្យភាពរបស់ម៉ុលដាវី។ អនុក្រឹត្យនេះគឺនិយាយអំពីការដោះស្រាយអនាគតនៃរដ្ឋ Transnistria ដែលជារដ្ឋបំបែកខ្លួនរបស់ប្រទេសម៉ុលដាវីដែលមានព្រំប្រទល់ជាប់អ៊ុយក្រែននិងជាកន្លែងដែលរុស្ស៊ីរក្សាកងទ័ព។ អនុក្រឹត្យនេះដែលមានរួមបញ្ចូលដោយសមាសភាពរបស់ម៉ុលដាវីក្នុងការគូសបញ្ជាក់អំពីគោលនយោបាយការបរទេសរបស់រុស្ស៊ីកាលពី11ឆ្នាំមុន ដែលបានសន្មត់ឡើងថាទំនាក់ទំនងរបស់ទីក្រុងម៉ូស្គូជាមួយសហភាពអឺរ៉ុប និងសហរដ្ឋអាមេរិកកាន់តែមានភាពជិតស្និទ្ធ។ ប៉ុន្តែពេលនេះមានការបញ្ជាអោយលុបចោលឯកសារឆ្នាំ 2012 ដែលត្រូវបានចេញផ្សាយនៅលើគេហទំព័ររបស់វិមានក្រឹមឡាំង។ យោងទៅតាមសារព័ត៌មាន Index.hr បានអះអាងឡើងថាការសម្រេចចិត្តមួយនេះត្រូវបានធ្វើឡើងដើម្បី"ធានាផលប្រយោជន៍ជាតិរបស់រុស្ស៊ីទាក់ទងនឹងការផ្លាស់ប្តូរដែលកើតឡើងនៅក្នុងទំនាក់ទំនងអន្តរជាតិ"។ ប្រធានគណៈកម្មាការត្រួតត្រារួមនៃប្រទេសម៉ុលដាវីក្នុងតំបន់សន្តិសុខជុំវិញរដ្ឋ Transnistria លោកAlexandru Flenchea បានបញ្ចេញប្រតិកម្មភ្លាមៗឡើងថាការលុបចោលនេះមិនមានន័យថាលោកពូទីនបានបោះបង់ចោលនូវគោលគំនិតនៃអធិបតេយ្យភាពរបស់ម៉ុលដាវីនោះទេ។
លោក Flenchea បានប្រាប់ Publika-TV ថា"អនុក្រឹត្យនេះគឺជាឯកសារនយោបាយដែលអនុវត្តឡើងតាមគោលគំនិតរបស់គោលនយោបាយការបរទេសរបស់រុស្ស៊ី"។ លោកបានបន្តទៀតថា «ប្រទេសម៉ុលដាវីនិងរុស្ស៊ីមានកិច្ចព្រមព្រៀងនយោបាយជាមូលដ្ឋានដែលមើលឃើញពីការគោរពគ្នាទៅវិញទៅមកចំពោះបូរណភាពទឹកដីនៃប្រទេសទាំងសងខាង»។ ទោះជាយ៉ាងណាក៏ដោយវិមានក្រឹមឡាំងបានប្រកាសពីទំនាក់ទំនងរបស់រុស្ស៊ីជាមួយប្រទេសម៉ុលដាវីថាដោយកាលពីសប្តាហ៍មុនប្រទេសម៉ុលដាវីបានអនុម័តឡើងនាយករដ្ឋមន្ត្រីថ្មីដែលមានជំហរគាំប្រទេសលោកខាងលិចនិងបានសន្យាថានឹងព្យាយាមបញ្ចូលប្រទេសខ្លួនទៅក្នុងសហភាពអឺរ៉ុបបានធ្វើអោយកើនឡើងភាពតានតឹងរវាងប្រទេសទាំងពីរនេះ។ ទីក្រុងមូស្គូក៏បានចោទប្រកាន់ប្រទេសម៉ុលដាវីថាកំពុងត្រៀមអនុវត្តន៍គំរោងការណ៍ប្រឆាំងនឹងរុស្ស៊ី។ យ៉ាងណាមិញនៅក្នុងអនុក្រឹត្យមួយពីឆ្នាំ2012បានលើកឡើងថាប្រទេសរុស្ស៊ីបានចាប់ផ្តើមការអនុវត្តស្វែងរកមធ្យោបាយដោះស្រាយបញ្ហាបំបែកខ្លួននៃរដ្ឋដោយផ្អែកលើការគោរពចំពោះអធិបតេយ្យភាព បូរណភាពទឹកដី និងស្ថានភាពអព្យាក្រឹតនៃសាធារណរដ្ឋម៉ុលដាវី ក្នុងការកំណត់ស្ថានភាពពិសេសនៃរដ្ឋ Transnistria" ។
