ក្លឹបបីសាក្រហមManchester United បានបង្ហើបអោយដឹងពីកីឡាករសញ្ជាតិបារាំង Paul Pogba លើការផ្ទេរដោយឥតគិតថ្លៃនៅរដូវក្តៅក្រោយ ស្របពេលដែលកុងត្រារបស់កីឡាកររូបនេះ ជិតផុតសុពលភាព ខណះដែលកុងត្រារបស់គេនឹងផុតកំណត់នៅខែ មិថុនាឆ្នាំ2022នេះ Man Unitedកំពុងពុះពារក្នុងការចុះកិច្ចព្រមព្រៀង ជាមួយកីឡារសញ្ជាតិបារាំងរូបនេះ ធ្វើយ៉ាងណដើម្បីរារាំងរូបគេអោយនៅបន្តលេងនៅ Manchester United បន្តទៀត។
យោងតាមសារព័ត៌មាន Mundo Deportivo បានឲ្យដឹងថា Real Madrid ទំនងជាមិនអាចនាំយកកីឡាករ Pogba នៅខែមករានោះទេ ប៉ុន្តែជឿជាក់ថាពួកគេនឹងអាចចុះហត្ថលេខាលើកីឡាករវ័យ ២៨ឆ្នាំរូបនេះនៅរដូវកាល 2022-23 បាន។
ខ្សែបម្រើរូបនេះ បានចាប់ផ្តើមលេងនៅរដូវកាលថ្មីនេះ ក្នុងទម្រង់ដ៏គួរឱ្យចាប់អារម្មណ៍សម្រាប់ក្រុមអង់គ្លេស Manchester United ដែលមានការប្រកួតចំនួន 20ដង ដោយបានបញ្ជូនបាល់ចំនួន៥ដង គិតរាល់គ្រប់ការប្រកួតក្នុងរដូវកាលថ្មីនេះ។
Paris Saint-Germain ត្រូវបានគេជឿជាក់ថា រូបគេមានចិត្តចង់ចុះហត្ថលេខាជាមួយ Pogba នៅរដូវក្តៅនេះ ប៉ុន្តែចំណាប់អារម្មណ៍របស់ពួកគេបានបញ្ចប់នៅពេល Lionel Messi បានមកដល់រដ្ឋធានីបារាំងដោយការផ្ទេរដោយមិនគិតថ្លៃ។
Real Madrid ក៏ត្រូវបានគេរំពឹងថា នឹងកំណត់គោលដៅទាំង Erling Braut Haaland របស់ ក្រុម Borussia Dortmund និង Kylian Mbappe របស់PSG នៅឆ្នាំក្រោយ ដែលជាផ្នែកមួយនៃការកសាងឡើងវិញនៅក្លឹបដ៏អស្ចារ្យមួយនេះ។
អត្ថបទ និង រូបភាពដោយ កណ្តាប់ដដៃដែក