ការចោទប្រកាន់ពីបទប៉ុនប៉ងរំលោភសេពសន្ថវៈត្រូវបានដកចេញពីកីឡាករបាល់ទាត់របស់ក្រុម Manchester United គឺលោក Mason Greenwood ហើយ។កីឡាករវ័យ 21 ឆ្នាំរូបនេះត្រូវបានចាប់ខ្លួនក្នុងខែមករា ឆ្នាំ2022 នៅពេលមានការចោទប្រកាន់ជុំវិញរូបភាព និងវីដេអូមួយចំនួន។ ក្រោយមកលោកត្រូវបានចោទប្រកាន់ពីបទប៉ុនប៉ងចាប់រំលោភ គំរាមកំហែង បង្ខិតបង្ខំនិងវាយដំបង្កគ្រោះថ្នាក់ដល់រាងកាយ។ នៅក្នុងសេចក្តីថ្លែងការណ៍មួយ ហ្គ្រីនវូដ បាននិយាយថាលោកបាន "ធូរស្បើយ" ហើយនិងអរគុណដល់ក្រុមគ្រួសារ និងមិត្តភ័ក្តិរបស់លោក ដែលបានគាំទ្រលោក។ សេវាកាត់ទោសបាននិយាយថាការចោទប្រកាន់ត្រូវបានបញ្ឈប់វិញបន្ទាប់ពីសាក្សីសំខាន់ៗបានដកការជាប់ពាក់ព័ន្ធរបស់ពួកគេ។ អ្នកនាំពាក្យម្នាក់បាននិយាយថា៖ «យើងមានកាតព្វកិច្ចរក្សាសំណុំរឿងឱ្យស្ថិតក្រោមការត្រួតពិនិត្យជាបន្តបន្ទាប់។ «ក្នុងករណីនេះ ការរួមបញ្ចូលគ្នានៃការដកសាក្សីសំខាន់ៗ និងតឹងតាងថ្មីៗដែលចូលមកបំភ្លឺក្តីមានន័យថាលែងមាននិន្នាការទៅរកការផ្ដន្ទាទោសទៀតហើយ ក្នុងកាលៈទេសៈទាំងនេះ យើងស្ថិតក្រោមកាតព្វកិច្ចបញ្ឈប់សំណុំរឿង។
«យើងបានពន្យល់ពីការសម្រេចចិត្តរបស់យើងដល់គ្រប់ភាគី។ «យើងតែងតែលើកទឹកចិត្តជនរងគ្រោះអោយរាយការណ៍ប្រាប់ប៉ូលីស ហើយយើងនឹងធ្វើការកាត់ទោសទៅតាមផ្លូវច្បាប់»។ នៅក្នុងសេចក្តីសារមួយត្រូវបានចេញផ្សាយក្នុងពីលោក Greenwood កីឡាករវ័យ 21 ឆ្នាំរូបនេះបាននិយាយថា «ខ្ញុំមានអារម្មណ៍ធូរស្រាលដែលបញ្ហានេះបានបញ្ចប់ ហើយខ្ញុំសូមអរគុណដល់ក្រុមគ្រួសារ មនុស្សជាទីស្រលាញ់ និងមិត្តភក្តិសម្រាប់ការគាំទ្ររបស់ពួកគេ»។ ក្នុងរយៈពេលប៉ុន្មានម៉ោងនៃការចោទប្រកាន់ដែលកើតឡើងនៅដើមឆ្នាំ 2022 ខ្សែប្រយុទ្ធដែលបានបង្ហាញខ្លួនបានមួយលើករួចមកហើយសម្រាប់ប្រទេសអង់គ្លេសត្រូវបានផ្អាកអោយឈប់លេងឬហ្វឹកហាត់ចាប់តាំងពីពេលនោះមក។ អ្នកតំណាងក្លឹប Manchester United បាននិយាយថា«យើងនឹងមិនធ្វើការអត្ថាធិប្បាយបន្ថែមទៀតទេរហូតដល់ដំណើរការនោះត្រូវបានបញ្ចប់»។ Manson Greenwood នឹងមិនទាន់ត្រលប់ទៅលេងរឺហ្វឹកហាត់វិញទេ លុះត្រាតែដំណើរការនេះបានបញ្ចប់សព្វគ្រប់សិន។
