Euronews-

Lithuania បាននិយាយថា ខ្លួនបានបិទស្ថានទូតនៅក្នុងប្រទេសចិន និងបានដកអ្នកការទូតចុងក្រោយចេញពីទីក្រុងប៉េកាំង នៅក្នុងជម្លោះលើរឿងទំនាក់ទំនងជាមួយតៃវ៉ាន់។ ក្រសួងការបរទេស បាននិយាយថាគេបានហៅលេខាធិការទូតដើម្បីទៅធ្វើការពិភាក្សា ព្រមទាំងនិយាយថាស្ថានទូតនឹងត្រូវប្រតិបត្តិការណ៍ពីចម្ងាយ ទង្វើនេះបានកើតឡើងបន្ទាប់ពី រដ្ឋជាសមាជិកនៃសហគមន៍អឺរ៉ុបមួយនេះ បានអនុញ្ញាតិឲ្យតៃវ៉ាន់បើកការិយាល័យតំណាងនៅក្នុងទីក្រុង Vilnius។ ចិនបាននិយាយថា តៃវ៉ាន់គីជាផ្នែកមួយនៃទឹកដីរបស់ខ្លួន នឹងមិនអនុញ្ញាតិឲ្យមានការទទួលស្គាល់ផ្នែកការទូត ដែលនាំឲ្យចាត់ទុកថាកោះនៃជារដ្ឋដាច់ដោយឡែក។

កាលពីខែមុន ចិនបានហាមប្រាមមិនឲ្យមានទំនាក់ទំនងការទូតជាមួយ Lithuania និងបានបញ្ឈប់ការចេញទិដ្ឋាការដល់ប្រទេសនេះ ជាការប្រឆាំង។ ថ្លែងទៅកាន់អ្នកយកព័ត៌មាននៅក្នុង Vilnius, រដ្ឋមន្ត្រីក្រសួងការបរទេស Gabrielus Landsbergis បាននិយាយថា មានភាពមិនច្បាស់លាស់នៃឋានៈរបស់អ្នកការទូត Lithuania នៅក្នុងប្រទេសចិន មុនពេលពួកគេចេញដំណើរ។ “ការជជែកគ្នាកំពុងតែបន្តធ្វើទៅលើទិដ្ឋភាពបច្ចេកទេសនៃប្រតិបត្តិការណ៍ទំនាក់ទំនងការទូតរបស់តំណាង Lithuania នៅក្នុងប្រទេសចិន” សេចក្តីថ្លែងការណ៍បាននិយាយ។

“Lithuania បានប្រុងប្រៀបបន្តការជជែកជាមួយនឹងចិន និងបន្តសកម្មភាពស្ថានទូតរបស់ខ្លួនដើម្បីផលប្រយោជន៍ទៅវិញទៅមកឈានទៅរកគោលដៅនៃកិច្ចព្រមព្រៀង។ ប៉េកាំងកាលពីពេលមុនបានបណ្តេញឯកអគ្គរដ្ឋទូត Lithuania និងបានដកចេញនូវអ្នកការទូតរបស់ខ្លួនពី Lithuania បន្ទាប់ពី តៃវ៉ាន់បានអនុញ្ញាតិឲ្យបើកតំណាងការិយាល័យនៅក្នុងទីក្រុង Vilnius។ តៃវ៉ាន់មានសម្ព័ន្ធភាពការទូតចំនួន១៥ប្រទេសតែប៉ុណ្ណោះនៅក្នុងពិភពលោក តែបានរក្សាទំនាក់ទំនងមិនផ្លូវការជាមួយប្រទេសធំៗ តាមរយៈការិយោល័យពាណិជ្ជកម្មដែលមានស្ថានទូតមិនផ្លូវការណ៍។

ទង្វើររបស់ទីក្រុង Vilnius បានលេចចេញមកបន្ទាប់ពីក្រុមសមាជិកសភាចំនួន៦រូប បានមកដល់តៃវ៉ាន់នៅក្នុងដំណើរទស្សនកិច្ច៥ថ្ងៃកាលពីថ្ងៃពុធ។ Francois de Ruhr , ប្រធាននៃក្រុមទំនាក់ទំនងមិត្តភាពតៃវ៉ាន់នៅក្នុងរដ្ឋសភាបារាំង, បានដឹកនាំគណៈប្រតិភូទៅធ្វើទស្សនកិច្ច ព្រមទាំងបានជួបជាមួយនឹងប្រធានាធិបតីតៃវ៉ាន អ្នកស្រី Tsai ing-Wen និងមន្ត្រីដ៏ទៃទៀតរបស់តៃវ៉ាន់៕